Бүгүн, от ыйын 26 күнүгэр, Францияҕа Париж куоракка сайыҥҥы Олимпийскай оонньууларын аһыллыытын сиэр-туома ыытыллыаҕа.
Күрэхтэһиилэр сарсыҥҥаттан атырдьах ыйын 11 күнүгэр диэри салҕанан барыахтара. Аан дойду сүрүн күрэхтэһиилэригэр быйыл биэс саха спортсмена кыттыаҕа. Ол гынан баран, быйыл аан бастакытын 1984 сылтан Арассыыйа үрдүнэн федеральнай ханааллар Олимпиаданы тэлэбииһэринэн көрдөрүөхтэрэ суоҕа.
Быһа эпиири МОК саайтыгар онлайн көрүөххэ сөп буолуоҕа. Күрэхтэһиини МОК саайтыгар сонуннары, оонньуулар аһыллыытын уонна сабыллыытын сиэрин-туомун, күрэхтэһиилэри көрдөрүөхтэрэ. МОК саайтын нууччалыы версиятыгар социальнай ситиминэн эбэтэр электроннай буочта нөҥүө судургу регистрацияны ааһыахха наада. Ону таһынан МОК YouTube ханаалыгар кылгас сонуннары көрдөрүөхтэрэ. Олимпиадаттан быһа эпиирдэри ВКонтакте бөлөхтөрүнэн эмиэ көрүөххэ сөп. Манна күрэхтэһиилэри анаана-минээн таһаарыахтара.
Санаттахха, быйыл отут үһүс төгүлүн ыытыллар Олимпийскай оонньууларга биэс саха спортсмена кыттар: Айаал Лазарев (Кыргызстан), Виктор Рассадин (Таджикистан), Владимир Егоров (Македония), Георгий Окороков (Австралия), ону тэҥэ Сардаана Трофимова (Кыргызстан). Лазаревтан ураты спортсменнарга бары аан бастакытын Олимпиадаҕа кытталлар, быйыл Айаал Лазарев Олимпиадаҕа үһүс төгүлүн кыттар.
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…