Саха сиригэр саха суругунан литературата төрүттэммитэ 125 сылынан үгүс үбүлүөйдээх тэрээһиннэр буолуохтара. Үөрэнээччилэргэ өрөспүүбүлүкэтээҕи куонкурус ыытыллыаҕа. Кыайыылаахтар айымньылара альманахха бэчээттэниэҕэ. Бу туһунан бырабыыталыстыба бэрэссэдээтэлин солбуйааччы Сергей Местников тэрийэр мунньахха иһитиннэрдэ.
Вице-премьер бэлиэ түгэҥҥэ анаммыт, кинигэни бэчээттиир үлэҕэ болҕомтону уурарга соруйда. Саха литературатын устуоруйатын туһунан фотоальбом, 2030 сылга диэри «Саха сирин классик уонна норуодунай суруйааччылара» сиэрийэнэн кинигэлэр бэчээттэниэхтэрэ.
Үбүлүөйдээх сыл сүрүн тэрээһининэн алтынньыга ыытыллар «Үрүҥ хаар алгыһа» норуоттар икки ардыларынааҕы бэстибээл буолуоҕа.
Сыл устата Алампа суолунан Өлүөнэ устун литературнай эспэдииссийэ, саха суруйааччыларын дойдуларынан научнай-практическай эспэдииссийэлэр ыытыллыахтара.
Норуодунай суруйааччылар Ил Дархан Айсен Николаевы кытта көрсүһэллэрэ былааннанар.
Ахсынньыга саха суругунан литературатын 125 сылыгар анаммыт уопсастыбаннас үөрүүлээх мунньаҕа буолуоҕа, манна Москваттан, Санкт-Петербургтан, атын өрөспүүбүлүкэлэртэн ыалдьыттар кэлиэхтэрэ.
1900 сыллаахха Өксөкүлээх Өлөксөй «Байанай алгыһа айымньыны суруйбут кэмиттэн саха суругунан литературата үөскээбитинэн ааҕыллар. Онон быйыл 125 сыллаах үбүлүөйэ бэлиэтэнэр.
Ил Дархан, бырабыыталыстыба пресс-сулууспата.
Федеральнай хамыыһыйа «Бастыҥ муниципальнай практика – 2025» Бүтүн Арассыыйатааҕы күрэх кыайыылаахтарын биллэрдэ, кинилэр ахсааннарыгар Саха…
Саха сиригэр дьиэ кэргэҥҥэ атаҕастаныыттан сэрэтэр сокуону ылынарга этии киллэрдилэр. «Атаҕастаныыттан дьиэ кэргэн быраабын көмүскээһин»…
Үс уонна онтон элбэх оҕону төрөппүт дьахталлар, сөптөөх үлэ ыстаастаах буоллахтарына, болдьоҕун иннинэ биэнсийэҕэ тахсар…
«Сосновай бор» оҕону сынньатар, чэбдигирдэр кииҥҥэ «Көлүөнэ уопута» симиэнэ улахан ситиһиилээхтик ыытылынна. Бу ураты бырайыак…
Страховка бааны ночооттон, оттон кирэдьиит ылааччыны – болдьоҕун аһарыыттан көмүскүүр. Холобур, кирэдьиит ылааччы ыараханнык ыалдьан…
Хотугу сахалар бу кэмҥэ бултууллар, ол иһин бу ыйы ох ыйа дииллэр. Олоҥхоттон сэтинньигэ уруу…