Хаартыска: Андрей Сорокин, СИА.
Саха суругунан литэрэтиирэтэ төрүттэммитэ 125 сылын көрсө, суруйааччылар улуустарынан сылдьыылара, Саха сирин суруйааччыларын сойууһун устуоруйатын туһунан кинигэ тахсара уонна саха литэрэтиирэтин аксакаалларын туһунан документальнай киинэни устуу былааннанар.
Өрөспүүбүлүкэҕэ бэлиэ даатаҕа бэлэмнэнии атын хайысхаларын туһунан бүгүн Ил Дархан Айсен Николаев уонна Саха сирин суруйааччыларын сойууһун бэрэссэдээтэлэ, норуот бэйиэтэ Наталья Харлампьева кэпсэттилэр.
“Саха сирин үгүс көлүөнэтин иитиигэ, тыл уонна култуура сайдыытыгар улахан кылааттарын киллэрбит биһиги уһулуччулаах суруйааччыларбыт нэһилиэстибэлэрин харыстыыр, киэҥник тарҕатар ирдэнэр. Кинилэр айымньыларыгар сырдаппыт идиэйэлэрэ бүгүн ыччаты духуобунай, өй-санаа өттүнэн иитэргэ ордук суолталаах”, — диэн Ил Дархан Айсен Николаев эттэ.
Ил Дархан саха суругунан литэрэтиирэтэ төрүттэммитэ 125 сылыгар аналлаах үбүлүөйдээх тэрээһиннэри ыытыыга ыйаах тахсыаҕа диэн бэлиэтээтэ.
Наталья Харлампьева иһитиннэрбитинэн, үбүлүөйгэ бэлэмнэнии иитинэн Бүлүү уонна илин эҥээр улуустарынан ааҕааччылары кытта көрсүһүүлэр, матырыйаал хомуйуута, Саха сирин суруйааччыларын туһунан кинигэни таһаарыы уонна саха литэрэтиирэтин аксакааларын туһунан документальнай киинэни устуу былааннанар.
“Саха сирин хас биирдии суруйааччыта барыта кэриэтэ төрөөбүт өрөспүүбүлүкэтэ сайдарыгар, чэчирииригэр бэйэтин кылаатын киллэрсибитэ. Ыарахан түгэннэргэ суруйааччы этиитэ өрүү улахан суолталаах буолара. Үбүлүөйдээх тэрээһини ыытыыга этиини Ил Дархан өйөөбүтүттэн үөрэбин”, — диэн көрсүһүү кэнниттэн Наталья Харлампьева эттэ.
Саха суругунан литэрэтиирэтэ төрүттэммитэ 125 сыла 2025 сылга бэлиэтэниэҕэ. Бэлиэ даата 1900 сылтан, саха улуу суруйааччыта, бөлүһүөк Алексей Елисеевич Кулаковскай “Байанай алгыһа” поэматыттан ааҕыллар.
Ил Дархан уонна Бырабыыталыстыба пресс-сулууспата.
Бэҕэһээ, Ньукуолун күнүн көрсө, Чурапчы улууһун Арыылаах нэһилиэгин кусчуттара кырдьаҕас дьону, соҕотох дьахталлары куһунан күндүлээтилэр.…
Таатта улууһун Ытык Күөл нэһилиэгэр бэҕэһээ, ыам ыйын 21 күнүгэр, түөлбэлэр икки ардыларыгар самаан сайыны…
Арассыыйа Үрдүкү Сэбиэтин Президиумугар, 1995-2000 сылларга Госдуумаҕа, онтон I, II, III ыҥырыылаах Ил Түмэн дьокутаатынан…
Нам уонна Кэбээйи улуустарыгар уу таһыма сыыйа түһэн эрэрин туһунан бырабыыталыстыба бэрэссэдээтэлин бастакы солбуйааччы Дмитрий…
Урбаанньыт Владислав Соловьев халаан уутуттан эмсэҕэлээбит Маймаҕа, Хатырык, Граф Биэрэгэ, Модут нэһилиэктэрин олохтоох дьаһалталарыгар ууну…
Ыам ыйын 21 күнүгэр 19.03 чааска баһаарынай быыһыыр сулууспаҕа Дьокуускай куоракка "Сатал" түөлбэҕэ массыына умайа…