Хаартыска: ааптар түһэриитэ
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр буолан ааста.
Ол курдук, «Суруйааччы аата – үйэлэргэ” диэн cаха классик уонна норуодунай суруйааччыларын нэһилиэнньиктэрин кытары сэргэх уонна сэдэх көрсүһүүнү СӨ Култуураҕа уонна духуобунай сайдыыга министиэристибэ, Саха сирин Суруйааччыларын сойууһа, П.Ойуунускай аатынан Литература түмэлэ тэрийдилэр.
Көрсүһүүнү иилээн-саҕалаан ыыппыт Саха сирин норуодунай бэйиэтэ Наталья Ивановна Харлампьева суруйааччы аатын, олоҕун уонна айымньыларын үйэтитии үлэтэ хайдах барарын туһунан иһитиннэрдэ.
Көрсүһүү кыттыылаахтара суруйааччы төрөппүттэрин, аймахтарын, кинилэр олорбут кэмнэрин ахтан-санаан аастылар. Ону сэргэ кинилэри үйэтитиигэ сүрүн үлэни хайдах ыытыахха сөбүн, суруйааччы айымньытын ааҕааччыга тириэрдэргэ туох көмө, өйөбүл баар буолуон сөбүн дьүүллэстилэр.
Чахчыта да, бүгүҥҥү көрсүһүүгэ сылдьыбыт хас биирдии киһи таптыыр суруйааччыларын оҕолорун, сиэннэрин, аймахтарын биир түһүлгэҕэ тутан олорон көрөн, кинилэр оҕо, эдэр саастарын туһунан ахтыыларын, ыллыктаах тылларын истэн ураты дьолго куустардаҕа. Көрсүһүүгэ этиллибитинии, бу түгэҥҥэ «эһиги хараххытын харах, кулгааххытын кулгаах гыммыт киһи-ии» диэн этии оруннаах.
Ыҥырыылаах ыалдьыттар ортолоругар Алексей Кулаковскай-Өксөкүлээх Өлөксөй, Анемподист Софронов-Алампа, Николай Неустроев, Серафим Кулачиков-Эллэй, Семен уонна Софрон Даниловтар, Дмитрий Сивцев-Суорун Омоллоон, Николай Мординов-Амма Аччыгыйа, Бүөтүр Тобуруокап, Ефрем Сивцев-Таллан Бүрэ, Леонид Попов уо.д.а. оҕолоро, сиэннэрэ, аймахтара кэлбиттэр. Барыта 40-чаҕа чугаһыыр суруйааччы сыдьааннара бииргэ түмсэллэрэ күн аайы тосхойбот долгутуулаах, устуоруйаҕа киирэр түгэн!
(Сиһилии «Саха сирэ» хаһыат аныгыскы нүөмэригэр билиһиннэриэхпит).
Саха төрүт аһа. Көбүөрдээх лэппиэскэни сөбүлүүгүт дуо? Оттон сыаҕа буспут лэппиэскэни амсайбыккыт дуу? Маныаха Е.Ф.Кузьмина "Саха…
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин…
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр. Бу дойду Бэрэсидьиэнэ Владимир Путин…
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”…
Степан Саргыдаев, Чурапчы улууһун баһылыга: --Чурапчы нэһилиэгин баһылыгыттан саҕалаан улуус баһылыгынан талыллан баһылыктыы уонна өрөспүүбүлүкэ…
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…