Мария Васильева хаартыската
Мэҥэ Хаҥалас улууһун бочуоттаах гражданина, СӨ култууратын үтүөлээх үлэһитэ, В.В. Никифоров-Күлүмнүүр аатынан судаарыстыбаннай бириэмийэ лауреата, саха суруналыыстыкатын ытык киһитэ Иван Ксенофонтов-Силиги үбүлүөйдээх 75 сааһын туолла.
Бүгүн, биир идэлээхтэрэ, “Сахамедиа” холдинг үлэһиттэрэ, өрөспүүбүлүкэ бэчээтин айар үлэһиттэрэ саха суруналыыстыкатын аксакалын үбүлүөйдээх төрөөбүт күнүнэн итиитик-истиҥник эҕэрдэлээтилэр.
“Сахамедиа” холдинг генеральнай дириэктэрэ Виктор Колесов үбүлээргэ биир идэлээхтэригэр сүбэ-ама буола сылдьарыгар барҕа махталын тиэртэ. “Иван Иванович курдук үтүөкэннээх дьон тэрилтэбит устуоруйатын кэрэһиттэринэн буолаллар. Ол курдук, Иван Ксенофонтов-Силиги “Саха сирэ” хаһыат түмэлин тэрийэн, күн бүгүҥҥэ диэри Емельян Ярославскай аатынан өрөспүүбүлүкэтээҕи түмэли кытта ыкса сибээс олохтоон, араас ис хоһоонноох быыстапкалары тэрийэн, “Сахамедиа” холдинг аатын дорҕоонноохтук ааттатар ытык киһибитинэн буолар. Маны тэҥэ, Иван Иванович кэллиэгэлэрин туһунан хас да кинигэни суруйан күн сирин көрдөрдө. Онтон биирдэстэрэ – “Хаарыан дьоннор, хаһыаччыттар…” диэн кинигэ. “Сахамедиа” холдинг салалтата өссө да бэрт элбэх суруналыыс аата үйэтитиллибэккэ хаалбытын учуоттаан, иккис кинигэтин эмиэ анаан үбүлүөҕэ”, — диэбитин саалаҕа олорор суруналыыстар дохсун ытыс тыаһынан көрүстүлэр. Онон, Иван Ксенофонтов-Силиги күн сарсыҥҥыттан матырыйаалларын хомуйар түбүккэ түһүөҕэ.
75 үбүлүөйдээх сааһыгар Иван Ксенофонтов-Силиги суруналыыстыкаҕа 40 сыл үлэлээбитин туоһулуур Бочуоттаах уруучука Өрөспүүбүлүкэ суруналыыстарын түмэлигэр быыстапкаҕа турда. Бу саха суруналыыстарын сойууһун бэрэссэдээтэлин солбуйааччы Галина Бочкарева бэйэтин тус идиэйэтинэн буолар. Олоҕун 40-тан сыл үөһээ суруналыыстыкаҕа анаабыт дьон Бочуоттаах көмүс солотуулаах бөрүөлээх уруучукалара Саха суруналыыстыкатын түмэлигэр биир көстүүлээх сиргэ турар.
Ытык суруналыыс Иван Ксенофонтов Бочуоттаах уруучуката үһүс уруучуканан буолла. Бастакы уруучука – СӨ үтүөлээх суруналыыһа Петр Павлов, иккис -саха суруналыыстарын сойууһун бэрэссэдээтэлин солбуйааччы Галина Бочкарева.
https://t.me/sakhasire20/60237?single
Ытык аксакалбытын, “Саха сирэ” хаһыат суруналыыһа Иван Ксенофонтовы үбүлүөйдээх 75 сааһынан истиҥник эҕэрдэлиибит! Сытыы бөрүөҥ сыппаабатын, өрүү билиҥҥиҥ курдук ааҕааччыларгын бэйэҥ суруйууларгынан үөрдэ сырыт!
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…