https://t.me/mvd_sakha
Дьокуускайга Филиппины Өрөспүүбүлүкэтиттэн клининговай өҥөнү оҥорор салааҕа саһа сылдьан үлэлиир 23 гражданины туттулар. Бу туһунан Ис дьыала миинистиэристибэтин пресс-сулууспата иһитиннэрдэ.
Ол курдук Ис дьыала министиэристибэтин Миграция боппуруоһугар управлениетын, Дьокуускай куорат полициятын үлэһиттэрэ уонна УФСБ оперативниктара анал рейдэ кэмигэр Филиппиныттан кэлэн саһа сылдьан үлэлиир 23 киһини туттулар. Миграннар Ойуунускай уонна Каландаришвили уулуссаларга уонна 202-с түөлбэҕэ баар дьиэлэргэ кыбартыыра куортамнаһан олорбуттар.
Миграннар 25 — 40 саастаахтар, үгүстэрэ дьахталлар. Кинилэр интэриниэт нөҥүө биллэрии таһааран клининговай өҥөнөн дьарыктаналлар эбит. Тутуллубут биэс киһиттэн Арассыыйаҕа туристическай визанан кэлбиттэр. Ол гынан баран визаларын болдьоҕо ааспытын үрдүнэн сокуону кэһэн туран үлэлии, олоро хаалбыттар. Сорохтор үлэ визатынан кэлбиттэр эрээри, миграционнай учуокка турбатахтар, үлэлииргэ көҥүл ылбатахтар, тэрилтэлэри кытары үлэ дуогабарын түһэрсибэтэхтэр.
Арассыыйа Федерациятыгар сылдьыы эрэсиимин (режима пребывания) кэһиинэн сибээстээн, туһааннаах омук гражданнара административнай эппиэтинэскэ тардылыннылар уонна Өрөспүүбүлүкэтээҕи Ис дьыала министиэристибэтин омук гражданнарын быстах кэмҥэ хаайар киинигэр киллэрилиннилэр. Ыстараабы төлөөбүттэрин кэннэ Арассыыйа Федерациятыттан атаарыллыахтара.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан бэнидиэнньиккэ, ахсынньы 8 күнүгэр,…
Госдууума дьокутааттара страховой биэнсийэҕэ сыл аайы эбии төлөбүрү олохтуур туһунан этии киллэрдилэр. Уларытыылары "Страховой биэнсийэлэр…
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…