Саха сүүрүүгэ Полина Слободчиковаҕа норуоттар икки ардыларынааҕы кылаастаах успуорт маастарын аата иҥэрилиннэ

Саха сириттэн төрүттээх сүүрүккэ Полина Слободчиковаҕа чэпчэки атлетикаҕа Арассыыйатааҕы норуоттар икки ардыларынааҕы кылаастаах успуорт маастарын үрдүк аата иҥэрилиннэ.

Бирикээскэ дойду успуорт миниистирэ Михаил Дегтярев илии баттаата. Полина Слободчикова үрдүк аат нуорматын 2024 сыллаахха сууккатааҕы сүүрүүгэ Арассыыйа Куубагар үрүҥ көмүс мэтээли ылан толорбута. Итиэннэ кини ааспыт сыл олунньутугар Курскай куоракка дьиэ иһигэр 100 км сүүрүүгэ дойду чөмпүйүөнэ буолбута. Ону таһынан, быйыл тохсунньуга күрэсчит Өймөкөөн улууһугар ыытыллыбыт «Өймөкөөн — Тымныы полюһа» экстремальнай марафоҥҥа ситиһиилээхтик кыттыбыта.