Салгыы
Саха театра халаан уутуттан эмсэҕэлээбит Нам уонна Өлүөхүмэ улуустарыгар көмө оҥорор

Саха театра халаан уутуттан эмсэҕэлээбит Нам уонна Өлүөхүмэ улуустарыгар көмө оҥорор

Ааптар:
26.05.2024, 19:47
Хаартыска: Саха театра
Бөлөххө киир:

Ыам ыйын 22 күнүгэр СӨ культураҕа уонна духуобунай сайдыыга министиэристибэтэ халаан уутуттан эмсэҕэлээбит оройуоннар олохтоохторугар көмөлөһөн, олорор дьиэни-уоту, эбийиэктэри чөлүгэр түһэриигэ уонна тустаах көмөнү оҥорууга ыҥырар көрсүһүүнү тэрийэн ыыппыта.

Былатыан Ойуунускай аатынан Саха театрын кэлэктиибэ бу көҕүлээһиҥҥэ көхтөөхтүк кыттан, халаан уутуттан эмсэҕэлээбит Нам улууһун олохтоохторугар анаан көмө үбү-харчыны хомуйан туттарбыта.
Хатырык орто оскуолатын бүтэрбит Саха театрын артыыһа Дмитрий Татаринов ууттан эмсэҕэлээбит сэлиэнньэ олохтоохторугар бастакы наадалаах малынан, аһынан-таҥаһынан көмөлөстө.
Дмитрий Татаринов:Хатырык нэһилиэгэ мин иккис дойдум, бырааппын кытары оскуоланы манна бүтэрбиппит. Олохтоохтор бэйэлэрин оҕолорун курдук истиҥник саныыллар. Быйылгы халаан уута кэлэн алдьархайы оҥорбутун истээт, бырааппын кытары биир сүбэнэн дьоммутугар-сэргэбитигэр көмө оҥордубут. Хатырык оскуолатыгар үөрэммитим дьылҕабар улахан суолталаах, драмкуруһуокка дьарыктаммытым миэхэ артыыс идэтин таларбар төһүү буолбута. Чуолаан билигин баһаарынай чаас начальнигынан үлэлиир Василий Дьяконов ол саҕана драмкуруһуогу салайара. Хайдахтаах да ыарахан түгэҥҥэ туора турбакка көмөлөсүһэ сырыттахха ”.

+1
3
+1
0
+1
0
+1
0
+1
0
+1
0
+1
0
Бары сонуннар
Салгыы
16 июля
  • 22°C
  • Ощущается: 22°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: