Хаартыска: Саха театра
Ыам ыйын 23 күнүгэр Саха театрын дириэктэрин Петр Макаров салайыытынан театр кэлэктиибин күүстээх аҥаардара Хатырык нэһилиэгин дьиэлэрин, олбуордарын чөлүгэр түһэриигэ икки биригээдэнэн хайдыһан биэс ыал тэлгэһэтигэр субуотунньуктаатылар.
Сааскы халаан уутун содулуттан эмсэҕэлээбит Хатырык сэлиэнньэтин олохтоохторо туохтан саҕалаан үлэлиэхтэрин билбэккэ, илиилэрэ-атахтара баайыллыбыт кэмигэр Саха театрын артыыстара күргүөмүнэн тиийэн көмөлөспүттэрэ дьон сүргэтин көтөхтө. Барыта биэс ыал, ол иһигэр 88 саастаах соҕотох олорор ытык кырдьаҕас тэлгэһэтин хомуйан, хотоннорун ыраастаан, уу аҕалбыт мастарыттан, бөҕүттэн-сыыһыттан босхолоон, харыларын күүһүнэн көмөлөһөн кэллилэр.
Бу туһунан Саха театрын дириэктэрэ Петр Макаров санаатын үллэһиннэ:
“Намҥа халаан уутуттан тахсыбыт иэдээн — бу барыбыт иэдээммит. Ууга барбыт нэһилиэктэргэ үбүнэн-харчынан көмөлөһүү таһынан, туох хайа иннинэ хары күүһүн өттүнэн көмө наада эбит. Биһиги Хатырык нэһилиэгэр тиийэн киһи тулуйан көрбөт дьулаан көстүүтүн илэ көрдүбүт. Ыал олбуордара, саҥа туттубут дьиэлэрэ, миэбэллэрэ урусхалланан турара, иитэр сүөһүлэрэ хотон иһигэр ууга былдьаммыттара киһи уйулҕатын хамсатар. Маннык акция тэрийэн, хас биирдии тэрилтэ көмөлөһүөн наада эбит дии санаатым. Айылҕа содулуттан ууга барбыт дьоммут-сэргэбит ыарахан күннэригэр, бука бары түмсэн, күүс-көмө буолуоҕуҥ диэн ыҥырабын”.
Саха театрын быйылгы театральнай сезонун түмүктүүр Маһары Бозеков туһунан испэктээк премьератын билиэтин атыытыттан киирбит үп-харчы Өлүөхүмэ оройуонун Кыыллаах арыы нэһилиэгэр тустаах көмө буолуоҕа.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…