Хаартыска уонна видео Елена Потоцкая
Бу күннэргэ “Саха” национальнай көрдөрөр-иһитиннэрэр хампаанньа тэриллибитэ 60 сылын бэлиэтиир үөрүүлээх тэрээһиннэр буола тураллар.
“Саха” НКИХ кэлэктиибин чаҕылхай үлэтин туоһутунан Саха сирин олохтоохторо өрөспүүбүлүкэҕэ уонна дойдуга туох буола турарын кэмигэр билэ-көрө олороллор. Хампаанньа араас сонун сүүрээннэри олоххо киллэрэр. Ол курдук, төлөпүөҥҥэ быһа холбонор сыһыарыы көмөтүнэн Саха сиригэр эрэ буолбакка, өрөспүүбүлүкэ таһыгар кытта бу аныгы үйэ ситимин туһаныахха сөп. Саха сэрийээлэ — олохпут аргыһынан буолла. Аны араас ойуулук төрөөбүт тылбытынан саҥарда.
Биллэн турар, үлэтигэр бэриниилээхтик үлэлиир дьон бу иллээх кэлэктиипкэ үгүстэр. Кинилэри бэҕэһээ, Бырабыыталыстыба 2 №-дээх дьиэтигэр дьоһуннаахтык чиэстээтилэр. Бу туһунан «Саха» НКИХ генеральнай дириэктэрэ, Ил Түмэн дьокутаата Олег Марков бу курдук санаатын үллэһиннэ:
2020 сыллаахха «Саха» национальнай көрдөрөр-иһитиннэрэр хампаанньа «Дыгын оонньуулара» бырайыага «ТЭФИ-регион» XIХ-с төгүлүн ыытыллар бүтүн Арассыыйатааҕы куонкуруска «Телевидение уонна олох» ааты ылары ситиспитэ. «Дыгын оонньуулара» тэлэбиидэнньэ бырайыагын ааптара, режиссера Радомир Томскай «СӨ физическэй култуууратын уонна успуордун туйгуна» бэлиэнэн наҕараадаланна. Спортивнай оонньуулары быһа эпииргэ ыытары хааччыйар хампаанньа бас-көс үлэһитэ Радомир Томскай санаатын бу курдук үллэстэр:
«Күн дэлэйэ» биэрии ыытааччыта Екатерина Эверстова «СӨ култууратын туйгуна» бочуоттаах аакка тигистэ.
Саха аһын доруобуйаҕа туһатын, иҥэмтиэтин туһунан биэрии сыстыганнаах дьаҥ кэмигэр кэлбитэ уонна ол сылтан бырайыак быһыытынан олоххо киирбитэ.
— Бэйэ тиэргэниттэн, Ийэ айылҕабытыттан кэлэр аһы-үөлү наука хараҕар олоҕуран бэлэмнээн биэриигэ таһаарабыт. Бэйэм толкуйдаабыт бырайыакпар сүрүн соругум — өбүгэбититтэн кэлбит саха төрүт аһын эмиэ култуурабыт, фольклорбут курдук сайыннарыы, киэҥ араҥаҕа тарҕатыы. Биэриибитигэр улуустарынан сылдьан сырдатар үгүс матырыйаалы хомуйар баҕалаахпын. Онон олохтоох дьаһалталар баһылыктарын өйөбүллэригэр тирэҕирэргэ эрэнэбин.
Быйылгы «Саха» НКИХ 60 сылын кытта миэхэ үлэбэр эмиэ үбүлүөй — хампаанньаҕа быраактыкаттан саҕалаан үлэлээбитим 25 сыла. Онон миэхэ бу наҕараада үлэм улахан сыанабылынан буолла, — диэн тэлэбиидэнньэ суруналыыһа Екатерина Эверстова санаатын үллэһиннэ.
Бүгүн киэһэ Былатыан Ойуунускай аатынан Саха тыйаатырыгар «Саха» НКИХ 60 сыллаах үбүлүөйүгэр анаммыт тэрээһин буолуоҕа.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…