Саха тустууга Дьулусхан Тотонов Бүтүн Арассыыйатааҕы турнирга кыттыаҕа

Саха сирин сүүмэрдэммит хамаандатын тустууга Дьулусхан Тотонов көҥүл тустууга  Бүтүн Арассыыйатааҕы «Спасибо тренеру» турнирга кыттыаҕа.

Тываҕа ыытыллар күрэхтэһии Арассыыйа чөмпүйүөнэ, аан дойдутааҕы кылаастаах успуорт маастара Аян-оола Ондара 45 сылыгар ананар. Бу туһунан Саха сирин хамаандаларын успуорка бэлэмниир киинигэр иһитиннэрдилэр.

Күрэхтэһиигэ Арассыыйа атын эрэгийиэннэриттэн биллэр бөҕөстөр кытталлара күүтүллэр. Саха сирин спортсмена 65 киилэҕэ диэри ыйааһыннаахтарга киирсиэҕэ.

Кыайыылаахтарга 300 тыһыынча солкуобайдаах бириис, иккис миэстэҕэ 200 тыһыынча солкуобай, оттон үһүс миэстэҕэ 100 тыһыынча солкуобай туттарыллыаҕа. Кыайыылаах тириэньэрдэрин 100 тыһыынча солкуобайдаах харчынан наҕараадаланыахтара.

Турнир атырдьах ыйын 3 күнүттэн Саха сирин бириэмэтинэн күнүс 13.00 чаастан саҕаланыаҕа. Эмиэ ити күн  киэһэ 18.00 чаастан полуфиналга уонна финалга хапсыһыылар буолуохтара.