Саха тустууга Сергей Некрасов Монголия турнирын кыайда

Саха сирин сүүмэрдэммит хамаандатын тустууга Сергей Некрасов Джон Петерсен аатынан 20-гэр диэри саастаах юниордар ортолоругар көҥүл тустууга норуоттар икки ардыларынааҕы турнирга эрэллээхтик кыайан аатырда.

Бу туһунан «Триумф» пресс-сулууспата иһитиннэрэр. Күрэхтэһиигэ Арассыыйа, Монголия, АХШ уонна Кытай бэрэстэбиитэллэрэ кытыннылар.

Сергей Некрасов Бурятияҕа уонна Монголияҕа эрчиллэр-үөрэнэр хомуурдары ааспыта. Оттон бу сырыытын кэмигэр турнирга кыттынна. Алексей Некрасов иитиллээччитэ түөрт ситиһиилээх хапсыһыыны ыытан, 65 киилэҕэ диэри ыйааһыҥҥа көмүс мэтээл хаһаайынынан буолла.