П.А.Ойуунускай аатынан Саха академическай тыйаатыра «Александринскай» диэн ХIII норуоттар икки ардыларынааҕы тыйаатырдар бэстибээллэригэр кыттыыны ыла сылдьар. Бу бэстибээлгэ тыйаатыр Саха сирин уһулуччулаах режиссерун, СӨ судаарыстыбаннай сүбэһитин Андрей Борисов кэнники сылларга туруорбут икки бастыҥ туруоруутун Санкт-Петербурга илдьэ тиийдэ.
Балаҕан ыйын 27 күнүгэр Пиранделло айымньытыгар олоҕуран туруоруллубут «Театрга буолбут түбэлтэ» испэктээги көрдөрбүттэрэ. Саха тыйаатырын уус-уран салайааччыта Андрей Борисов толору саала иннигэр тахсан Өрөспүүбүлүкэ 100 саастаах үбүлүөйүгэр анаммыт гостуруол бырагырааматын арыллыбытынан биллэрбитэ.
«Бүгүн биһиэхэ улуу суолталаах күн – өрөспүүбүлүкэбит Судаарыстыбыннаһын бэлиэтиибит. Тыйаатыр өрөспүүбүлүкэ судаарыстыбыннаһын чиҥэтэр, онон Арассыыйа сомоҕолоһуутун бөҕөргөтөр. Биһиги, нуучча театральнай оскуолатын үөрэнээччилэрэ, учууталларбыт иннигэр сүгүрүйэбит. Онон биһиги бүгүн аатырбыт Александринскай тыйаатыр сыанатыгар оонньуурбут олус улахан суолталаах”, — диэн Андрей Саввич эппитин көрөөччүлэр дохсун ытыс тыаһынан көрүстүлэр.
Балаҕан ыйын 28 күнүгэр Саха тыйаатырын артыыстара номоххо киирбит, Арассыыйа судаарыстыбаннай бириэмийэтинэн наҕараадаламмыт «Илиир Хоруол” испэктээгин көрдөрүөхтэрэ. Бу туруорууга М.С.Щепкин аатынан училище биэс устуудьуйатын выпускниктара бииргэ оонньуохтара. Оонньуу кэнниттэн 1997 сылтан Илиир Хоруол оруолун толорор СӨ норуодунай артыыһа Ефим Степанов Саха тыйаатырын сүрүн режиссеругар Руслан Тараховскайга бу оруолун биэриэҕэ.
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…