Хаартыска: тыйаатыр пресс-сулууспата
П.Ойуунускай аатынан Саха тыйаатырын пресс-сулууспата иһитиннэрэринэн, үлэһиттэр уоппускаларын кэмигэр “Култуура” национальнай бырайыак чэрчитинэн киэҥ хабааннаах өрөмүөн үлэлэрэ ыытыллаллар.
Федеральнай бүддьүөт үбүнэн Саха тыйаатырын улахан саалатыгар 408 саҥа кириэһилэ ылыллыбыта көрөөччү нус-хас олорон көрөрүгэр табыгастаах буолуоҕа. Режиссер көмөлөһөөччүтүн пультун систиэмэтэ атыылаһылынна, уоту биэрэр тэриллэр саҥардылыннылар.
Онон Саха тыйаатыра бэйэтин көрөөччүлэрин 119-с сезонугар балаҕан ыйыгар улаханнык уларыйбыт тыйаатырга көрсүөҕэ.
Петр Макаров, П.Ойуунускай аатынан Саха тыйаатырын дириэктэрэ:
-Биһиги уоппускабыт кэмигэр да таах олорон биэрбэтибит, улахан өрөмүөнү ыыттыбыт. Кириэһилэлэри уларытарга саалабыт муостатын барытын уларыттыбыт. Барыта көрөөччүгэ табыгастаах, сырдык, кэрэ буолуохтаах. Саалабыт муостатын барытын кырааскалаан, этэргэ дылы, олох атын көстүү, саҥа тыын буолуоҕа диэн эрэннэрэбит.
Түгэнинэн туһанан, саалабыт муостатын бэйэбит күүспүтүнэн оҥорорбутугар көмөлөспүт СӨ Култуураҕа уонна духуобунай сайдыыга министиэристибэтигэр, В.Путин көҕүлээбит “Култуура” национальнай бырайыакка махтанабыт (түөрт сылга иккитэ тигистибит).
Санатан эттэххэ, “Култуура” национальнай бырайыагынан 2020 сыллаахха Саха тыйаатырыгар ааннар, түннүктэр саҥардыллыбыттара, 50 миэстэлээх лабораторнай саала, 100 миэстэлээх “Алампа” саалата аһыллыбыттара. Онтон 2021 сыллаахха дьиэ фасадын бүтүннүү уларыппыттара.
Бэс ыйын 23-24 күннэригэр Ньурба улууһун Чаппанда орто оскуолатын 1975 сыллаахха 10-с кылааһы бастакынан бүтэрбиппит…
Бүгүн, от ыйын 5 күнүгэр, өрөспүүбүлүкэ хотугулуу-арҕаа өттүгэр сөҥүү түһэрэ күүтүллүбэт. Мантан атын өттүгэр кыралаан…
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…