Саха АССР 100 сылыгар Ойуунускай аатынан Саха тыйаатыра аан бастаан Москва Аччыгый тыйаатырын, Санкт-Петербурга Александринскай тыйаатыр сыаналарыгар испэктээкиллэрин көрдөрүөҕэ. Бу күһүн Саха тыйаатыра гостуруолга турунар. Балаҕан ыйын 27-28 күннэригэр XIII «Александринскай» норуоттар икки ардыларынааҕы бэстибээл ыҥырыытынан, режиссер Андрей Борисов туруорбут Л.Пиранделло «Театрга буолбут түбэлтэ» («Шесть персонажей в поисках автора») уонна Шекспир «Илиир Хоруол» («Король Лир»)
Саха АССР 100 сылыгар Ойуунускай аатынан Саха тыйаатыра аан бастаан Москва Аччыгый тыйаатырын, Санкт-Петербурга Александринскай тыйаатыр сыаналарыгар испэктээкиллэрин көрдөрүөҕэ.
Бу күһүн Саха тыйаатыра гостуруолга турунар. Балаҕан ыйын 27-28 күннэригэр XIII «Александринскай» норуоттар икки ардыларынааҕы бэстибээл ыҥырыытынан, режиссер Андрей Борисов туруорбут Л.Пиранделло «Театрга буолбут түбэлтэ» («Шесть персонажей в поисках автора») уонна Шекспир «Илиир Хоруол» («Король Лир») испэктээкиллэрин көрдөрүөҕэ.
— Александринскай тыйаатыр Арассыыйа бары национальнай тыйаатырдарын түмэр. Тыйаатыр салалтатын көҕүлээһинэн, быйыл эрэгийиэн тыйаатырдарын түмэр ассоциация тэриллибитэ. Онон бэс ыйыгар ассоциация бастакы улахан тэрээһинэ – Национальнай тыйаатырдар кэнгириэстэрэ Дьокуускайга ыытыллыбыта. Онон бу курдук түмсэрбит национальнай тыйаатырдар саҥа таһымҥа тахсарбытыгар көмөлөһөр, — диэн тыйаатыр дириэктэрэ Петр Макаров этэр.
Салгыы балаҕан ыйын 30-алтынньы 1 күннэригэр Калмыкия Элиста куоратыгар барыахтара. Манна Баатр Басангов аатынан Национальнай драматическай тыйаатыры кытары уруккуттан үтүө сыһыаннаахтар. Манна «Хаарыан хампа күөх кытылым» («Желанный берег мой») уонна «Театрга буолбут түбэлтэ» («Шесть персонажей в поисках автора») испэктээкиллэри көрдөрүөхтэрэ.
Ону тэҥэ, алтынньыга калмыктар Дьокуускайга кэлэн, «Араш», «Калмыцкая свадьба», «Я – Будда» испэктээкиллэрин саха көрөөччүтүгэр көрдөрөн, икки өрөспүүбүлүкэ култуураларын атастаһыыта, билсиһиитэ буолуоҕа.
Оттон Арассыыйа Аччыгый драматическай тыйаатырын сыанатыгар алтынньы 3-4 күннэригэр Андрей Борисов туруоруутугар «Илиир Хоруол» («Король Лир») уонна «Алитет хайаҕа күрүүр» («Алитет уходит в горы») испэктээкиллэрэ көстүөхтэрэ.
Алтынньы 6 күнүгэр Саха тыйаатырын труппата аны Уһук Илинннэҕи драматическай тыйаатырдар көрүү-бэстибээллэригэр кыттан, Сергей Потапов туруорбут «Тимир Баассатын» көрдөрүөхтэрэ.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru.
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…