Тохсунньу 14 күнүгэр режиссер Роман Дорофеев туруоруутунан “Тик-так Саҥа Дьыл” саҥа дьыллааҕы кэмиэдьийэ көрөөччүлэр көрдөһүүлэринэн хатыланыаҕа.
Тохсунньу 19 күнүгэр “Таптал сүппүт куората” (Александр Седалищев, режиссер Андрей Борисов) испэктээккэ сүрүн оруолга Арассыыйа уонна Саха сирин норуодунай артыыската Степанида Борисова оонньуоҕа.
Тохсунньу 20 күнүгэр “Охсор чаһы дуораана” (Освальд Заградник, режиссер Руслан Тараховскай) испэктээккэ оруолларга Саха сирин норуодунай артыыстарын Елена Сергеева-Румянцеваны, Михаил Семеновы, Саха сирин үтүөлээх артыыстарын Михаил Апросимовы, Куприян Михайловы, Кирилл Семеновы уонна эдэр артыыстары көрүөххүт.
Тохсунньу 21 күнүгэр буолар “Андаҕар. Коркин” испэктээк (Утум Захаров, режиссер Сергей Потапов) тустууга саха уһулуччулаах тириэньэрэ Дмитрий Петрович Коркин олоҕун көрдөрөр.
Тохсунньу 26 күнүгэр “Кэрэ көмүскэлигэр” (Иван Гоголев-Кындыл, режиссер Руслан Тараховскай) испэктээккэ Ленинградтааҕы тыйаатыр институтун саха устуудьуйатыгар үөрэммит, үгүстэрэ пуруоҥҥа барбыт эдэр дьон дьылҕатын билсиэххит. Испэктээк Ленинград блокадата уһуллубута 80 сылыгар ананар.
Тохсунньу 27 күнүгэр “Учуутал” (Василий Харысхал, режиссер Руслан Тараховскай) испэктэккэ ССРС норуодунай учуутала Михаил Андреевич Алексеев чэпчэкитэ суох олоҕо тыктарыллан көрдөрүллэр. Норуодунай учуутал оруолугар – Арассыыйа уонна Саха сирин үтүөлээх артыыһа Петр Баснаев.
Тохсунньу 28 күнүгэр “Көмүөл” (В.Харысхал, режиссер Андрей Борисов) испэктээк Ксенофонтовтар араас көлүөнэ дьиэ кэргэттэрин олохторун уонна оччотооҕу кэм алдьархайын көрдөрөр. Сүрүн оруолга Саха сирин норуодунай артыыһа Герасим Васильев оонньуур.
ЫСПЫРААПКА:
Билиэттэр тыйаатыр каассатыгар күн аайы 10-18 чч. атыыланаллар. 34-13-31, 34-33-26 төлөпүөннэргэ эрийэн эрдэттэн үлэһиэххэ, sakhatheatre.ru сайтка онлайн көрүҥүнэн атыылаһыахха сөп.
14-22 саастаах ыччат “Пушкин картатынан” босхо сылдьар.
(Саха тыйаатырын пресс-сулууспатын матырыйаалынан)
Быйылгы дьыл ыам ыйын 8 күнүгэр Саха сиригэр бүттүүн спортивнай хамсааһыны саҕалаабыт, спорт үгүс көрүҥнэрин…
Улуу Кыайыы күнүгэр Саха сирин бырабыыталыстыбатын бэрэссэдээтэлэ Кирилл Бычков Аҕа дойду Улуу сэриитин бэтэрээннэригэр Алексей…
Ньурба улууhун I Хаҥалас нэhилиэгиттэн Курышевтар диэн ыалтан алта бииргэ төрөөбүт уол дойдутун көмүскээн байыаннай…
Улуу Кыайыы 79 сылынан дойду сүрүн параада Москваҕа Кыһыл болуоссакка буолуоҕа. Манна байыаннай тиэхиньикэлэр, саллааттар…
Кыайыы күнүнэн Саха сирин байыастара өрөспүүбүлүкэ аатыттан бэлэхтэри туталлар. Бу күннэргэ Уһук Илин госпиталларыгар эмтэнэ…
Улуу Кыайыы 79 сылын Нам улууһун II Хомустаах нэһилиэгэр олус сэргэхтик, үрдүк таһымнаахтык көрүстүлэр. Ол…