Саха тыйаатыра Улахан гостуруолга Поволжье куораттарыгар көттө

Былатыан Ойуунускай аатынан Саха тыйаатыра  «Желанные берега Саха театра: от Лены до Волги» гостуруола саҕаланан, тыйаатыр бөлөҕө бүгүн Йошкар-Ола куоракка көттө.

Гостуруол “Улахан гостуруоллар” федеральнай бырайыак чэрчитинэн Поволжье куораттарынан буолар.

Тыйаатыр бэйэтин испэктээктэрин  Йошкар-Ола, Чебоксары уонна Буинск куораттарга көрдөрүөҕэ.

Бырагыраамаҕа саха норуотун духуобунай баайын көрдөрөр үс испэктээк: “Тулаайах оҕо”  (Далан арамаанынан,  Руслан Тараховскай туруоруутугар), “Илиир Хоруол” (У.Шекспир айымньытынан, Андрей Борисов туруоруутугар), “Мастер уонна Маргарита” (Михаил Булгаков айымньытынан, Сергей Потапов интерпретациятыгар) киирдилэр.

Тыйаатыр гостуруола култууралар икки ардыларыгар кэпсэтиини бөҕөргөтөргө ананар.

Тыйаатыр пресс-сулууспата