Саха Өрөспүүбүлүкэтигэр 2026 сыл Култуура сылынан биллэриллибитэ. Бүгүн, тохсунньу 16 күнүгэр, Б.Ойуунускай аатынан Саха тыйаатырыгар Култуура сылын үөрүүлээхтик арыйыы сиэрэ-туома ыытылынна.
Ону сэргэ, бүгүн Саха национальнай тыйаатырын күнэ, тыйаатыр тэриллибитэ 120 сылын үөрүүлээх быһыыга-майгыга бэлиэтээтилэр. Саха национальнай тыйаатырын устуоруйата 1906 сыллаахха В.В.Никифоров-Күлүмнүүр көҕүлээһининэн сахалыы тылынан туруоруллубут олоҥхоттон саҕаламмыта.
Бүгүҥҥү үбүлүөй омук култууратын сыаннастарын санаттын уонна тыйаатыр салгыы сайдыытын көҕүлээтин. Саха норуотун айар кыаҕын, талаанын, суруйууларын киэҥ эйгэҕэ тарҕатар, кэнэҕэски ыччакка сахалыы тыллаах эйгэни олохтуур тыйаатырбыт үүнэ-сайда туруохтун!
Култуура сыла арыллыбытынан, Тыйаатыр тэриллибитэ 120 сылын күнэ чопчуламмытынан эҕэрдэлэрин СӨ бырабыыталыстыбатын бэрэссэдээтэлин солбуйааччы Сергей Местников, СӨ Судаарыстыбаннай Мунньаҕын бэрэссэдээтэлин солбуйааччы Александр Жирков, СӨ култуураҕа уонна духуобунай сайдыыга миниистирэ Афанасий Ноев, судаарыстыбаннай сүбэһит Андрей Борисов, Саха тыйаатырын дириэктэрэ Петр Макаров, улуус култуураларын салайааччылара уо.д. а.тириэртилэр.
Сыанаҕа Василий Никифоров-Күлүмнүүр, Баһылай Манчаары, тыйаатыр бастакы дириэктэрэ Алампа уо.д. а. оччотооҕу интэллигиэнсийэ тустарынан театрализованнай көрдөрүү буолла.
Андрей Борисов Култуура сылын бэлиэтин Афанасий Ноевка туттарда.
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…
2021 сылтан Арассыыйа Бэрэсидьиэнэ Владимир Путин көҕүлээһининэн уонна «Биир ньыгыл Арассыыйа» баартыйа норуодунай бырагырааматынан саҕаламмыт…
Эргэ массыынаҕытын дилергэ туттаран, саҥаны ыларгытыгар чэпчэтиини туһаныаххытын сөп. Трейд-ин диэн тугуй уонна ону хайдах…