Хаартыска: Ааптар түһэриитэ
Эдэр суруйааччылар сүбэ-мунньахтарын чэрчитинэн, муус устар 3 күнүгэр Саха тыйаатырыгар маастар кылаастар буоллулар.
Саха тыйаатырын Алампа саалатыгар ааспыт 23-с сүбэ-мунньахха драматургия хайысхатыгар кыайбыт Илья Семенов »Кыһыл байыас» пьесатын тыйаатыр артыыстара аахтылар.
Гаврил Андросов, Саха сирин суруйааччыларын Сойууһун бэрэссэдээтэлэ:
— Саха тыйаатырын кытта бииргэ үлэлэһиибит үһүс-төрдүс төгүлэ буолла. Ойуунускайга сыһыаннаах икки тэрилтэ бииргэ үлэлэһиибит салҕанар. Мээндиги баһылыга Илья Семенов »Кыһыл байыас» пьесата ааспыт сүбэ-мунньахха кыайбыта. Норуодунай суруйааччы Баһылай Харысхал төрөөбүт нэһилиэгиттэн кинини утумнуур драматург тахсыа диэн эрэнэбит.
Руслан Тараховскай, Саха тыйаатырын сүрүн режиссера:
— Быйыл аныгы ааптардар сезоннарын биллэрбиппит. Утум Захаров, Дмитрий Наумов, уо.д.а. аныгы кэм суруйааччыларын айымньылара Саха тыйаатырын сыанатыгар турдулар.
Саха тыйаатыра Алампа, Ойуунускай саҕаттан былыр-былыргыттан суруйааччыларын кытта ситимнээх. Биһиги аныгы кэм тиэмэлэрин көрдүүбүт. Бэйэтин кэмигэр Чехов да, Алампа да аныгы этилэр. Билиҥҥи кэми аныгы суруйааччыттан ордук ким кэпсиэй?
Салгыы ааптар Илья Семенов туран, »Кыһыл байыас» пьесатын хайдах суруйбутун туһунан кэпсээтэ:
— Дойдубар оскуола дириэктэринэн үлэлээбитим, онтон билигин баһылыгынан талыллан үлэлиибин. Бу пьесаны убайбыт Баһылай Харысхал сорудаҕынан суруйбутум. Абаҕаҕа туруорбуттара, — диэн туран, хас да кинигэтин тыйаатырга бэлэх уунна.
Пьесаны ааҕыы кэнниттэн, киэҥ кэпсэтии, ырытыһыы буолла. Маны тэҥэ, киинэ режиссера Любовь Борисова киинэ сценарийын хайдах суруйар туһунан маастар-кылааһын ыытта. Сааһыттан, идэтиттэн тутулуга суох, интэриэстээх дьон мустубут буолан, үгүс ыйытыы биэрэн, сэргэх тэрээһин буолла.
Сарсыҥҥыттан сүбэ-мунньах аһыллыыта, эдэр ааптардар айымньыларын ырытар сэминээрдэр саҕаланыахтара.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…