Бу күннэргэ Былатыан Ойуунускай аатынан Саха тыйаатырын айар үлэһиттэрэ профессор, история билимин дуоктара Розалия Бравинаны кытары көрүстүлэр.
Бу көрсүһүү Саха тыйаатырыгар историческай испэктээктэр туруоруллууларын кытары сибээстээх диэн тыйаатыр бэйэтин ханаалыгар иһитиннэрэр.
Быйыл тыйаатыр биир күүтүүлээх премьератынан Саха норуодунай суруйааччыта Василий Яковлев-Далан киэҥ биһирэбили ылбыт “Тулаайах оҕо” романынан испэктээк туруута буолуо. Ол чэрчитинэн бу көрсүһүү ыытылынна.
Кэпсэтии сүрүннээн “Тулаайах оҕо” айымньыга көстөр кыргыс үйэтинээҕи былыргы кэмҥэ Саха сирин олохтоох биистэрэ, билигин сүтэн симэлийбит омуктар – туматтар, дьирикинэйдэр, тоҥ биистэр, майааттар, о.д.а тас көрүҥнэрин, таҥастарын-саптарын, үгэстэрин, култуураларын тула барда. Идэтийбит археолог Розалия Иннокентьевна уһун сыллар тухары чинчийбит үлэтин Саха тыйаатырын үлэһиттэригэр кэпсээтэ, история чахчыларыгар олоҕуран олохтоох омуктар историяларын туһунан сэһэргээтэ, ыйытыыларга хоруйдаата.
Саха тыйаатырын артыыһа, режиссер Роман Дорофеев: “Олус истиҥ көрсүһүү буолла. “Тулаайах оҕо” айымньы тула маннык сырдатар, иһитиннэрэр кэпсэтиилэри көрөөччүлэри ыҥыран оҥорорбут буоллар, өссө үчүгэй буолуо этэ. Билиҥҥи дьон аахпат буолан, билбэтэ-көрбөтө элбэх, онон инникитин көрөөччүлэри кытыннарар көрсүһүүнү былаанныахха баара”, – диэн этии киллэрдэ.
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…