Бу күннэргэ Турция Измир куоратын Эгейскэй судаарыстыбаннай чинчийэр университетын иһинэн үлэлиир Түүр эйгэтин чинчийэр институт «Билиҥҥи кэмҥэ Саха сирин култуурата уонна олоҕо» диэн онлайн семинары ыытта.
Тэрээһиҥҥэ түүр тылын, историятын, саха тылын интэриэһиргиир араас университеттартан устудьуоннар, магистраннар, аспираннар уонна түүр тылын чинчийэр учуонайдар куйаар ситимин нөҥүө кытыннылар.
Тэрээһини Эгейскэй судаарыстыбаннай университет түүр эйгэтин чинчийэр лиэктэрэ, тыл билимин хандьыдаата Муваффак Дуранлы ыытта. Эбэн этэр буоллахха, Муваффак Дуранлы уонча сыллааҕыта Саха сиригэр кэлэн хотугу норуоттар олохторун-дьаһахтарын, астарын-үөллэрин, сиэрдэрин-туомнарын билсэн, илэ хараҕынан көрөн, Хаҥалас улууһугар эспэдииссийэҕэ сылдьан барбыта.
Бу кэпсэтиигэ саха тылын таһынан, түүр тылын кытары сибээһин, демографическай балаһыанньатын эмиэ ырытыстылар.
Бу кэпсэтиигэ сүрүннээн Анкара судаарыстыбаннай университетын тылга, историяҕа уонна географияҕа факультетын лектора Умит Шахин эспиэр быһыытынан Саха сирэ наука эйгэтигэр хаһыс үйэҕэ биллибитин, саха омугун, төрүт култууратын, ыһыаҕын, оһуокайын, итэҕэлин, төрүт таҥаһын, билиҥҥи кэмҥэ саха тылын туругун, тыа олоҕун култуураҕа оруолун туһунан кэпсээтэ.
Сахалыы ыраастык, иҥнигэһэ суох саҥарар, сахалыы ыллыыр Умит Шахины Саха сиригэр үгүстэр билэр буолуохтаахтар. Кини Турцияҕа эрэ буолбакка, түүр эйгэтигэр Сибиир, хоту сир, саха култууратын чинчийээччи быһыытынан биллэр.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…