Хаартыска: ЯСИА
СӨ Ил Дарханын Айсен Николаев сорудаҕынан сэтинньи 25-26 күннэригэр Дьокуускайга саха тылын, литературатын уонна култууратын учууталларын III өрөспүүбүлүкэтээҕи сийиэһэ ыытыллыаҕа. Бу туһунан www.sakha.gov.ru сайт иһитиннэрэр.
Сэтинньи 5 күнүгэр Ил Дархан бырабыыталыстыбатын бэрэссэдээтэлин солбуйааччы Сергей Местников салайааччылаах тэрийэр кэмитиэти бигэргэтэр дьаһалга илии баттаата. Кэмитиэт састаабыгар судаарыстыбаннай уонна муниципальнай былаас уорганнарын, билим уонна үөрэх тэрилтэлэрин салайааччылара киирдилэр.
Сийиэс сыала — саха тылын, литературатын уонна култууратын үөрэтии хаачыстыбатын үрдэтэргэ научнай-педагогическай уопсастыба күүһүн түмэргэ тэрийэр олугу олохтооһун буолар. Сийиэс чэрчитинэн Үөрэҕи сайыннарар уонна квалификацияны үрдэтэр институкка уонна М.К. Аммосов аатынан Хотугулуу-Илиҥҥи федеральнай университекка квалификацияны үрдэтэр куурустар, төгүрүк остуоллар, бырайыактар уонна кинигэлэр сүрэхтэниилэрэ, маастар-кылаастар, быыстапкалар уонна да атын тэрээһиннэр ыытыллыахтара.
Дойду бэрэсидьиэнэ Владимир Путин эрдэ бэлиэтээбитинэн, «үгэстэр, сиэр-туом, тыллар ураты эгэлгэлэрэ — Арассыыйа уопсай сыаната биллибэт баайа-дуола, бу эгэлгэҕэ Хоту, Сибиир уонна Уһук Илин норуоттарын ураты култуурата чаҕылхай миэстэни ылар».
Санатан эттэххэ, сэтинньи 4 күнүгэр дойду баһылыга Арассыыйа норуоттарын төрөөбүт тылларын күнүн олохтуур туһунан ыйаахха илии баттаабыта. Бу күн сыл аайы балаҕан ыйын 9 күнүгэр бэлиэтэниэҕэ.
Бүгүн, сэтинньи 7 күнүгэр Саха араадьыйата үбүлүөйүн бэлиэтиир. Лоп курдук 95 сыл анараа өттүгэр, 1930…
Суут быһаарбытынан, 41 саастаах сууттанааччы дьахтар урут итирик туруктаах массыына ыыппытын иһин административнай эппиэккэ тардылла…
Үгүстэр тимир көлө бэнсиини элбэҕи «сиирин» оҥоһуллубут сылынан эбэтэр ыраах сүүрбүтүнэн быһаараллар. Ол эрээри, төрүөтэ…
Саха сиригэр «Аҕа-урбаанньыт» диэн өрөспүүбүлүкэтээҕи үөрэх бырайыагар сайаапкалары тутуу саҕаланна. Бу бырайыак РФ Бэрэсидьиэнэ Владимир…
Дьокуускай куораттааҕы үөрэх управлениетын начаалынньыга Мария Петрова саха тылын үөрэтиигэ икки барыйаан баарын эппит. Сахалыы…
РФ, СӨ култууратын үтүөлээх үлэһитэ, 2025 сыллааҕы национальнай уопсастыбаннай бириэмийэ лауреата, Саха сиринээҕи "Симэх" национальнай…