Хаартыска: Мария Васильева, СИА.
Быйылгы саха тылын уонна литэрэтиирэтин өрөспүүбүлүкэтээҕи биир кэлим эксээмэнин барыта 6 улуустан 13 оҕо туттарбыта. Саамай үрдүк 80 баал буолла.
СӨ Үөрэҕин уонна билимин министиэристибэтин Саха сиринээҕи үөрэх хаачыстыбатын кэтээн көрөр киин дириэктэрин солбуйааччы Таисия Иванова: “Саха тылыгар уонна литэрэтиирэтигэр өрөспүүбүлүкэтээҕи биир кэлим эксээмэн (ӨБКЭ) бэс ыйын 2 күнүгэр буолбута. Эксээмэн саха тылыгар уонна литэрэтиирэтигэр сорудахтара 3 чаастан турар. Бастакы чааһыгар 20 сорудах киирэр, 2 чааһыгар биэс уонна үһүс чааһыгар туттарааччы өйтөн суруйар ирдэбилэ 180 тыл киириэхтээх, онтон элбэх буолуон сөп. Ол эрээри, ортотунан 130 тылтан итэҕэһэ суох буолуохтаах.
Саха тылыгар уонна литэрэтиирэтигэр үрдүк баалы Таатта улууһун Туора Күөл орто оскуолатын үөрэнээччитэ Ангелина Борисова, Үөһээ Дьааҥы улууһун Табалаах орто оскуолатын үөрэнээччилэрэ Инна Лебедева, Мира Неустроева уонна Уус Алдан улууһун Лөгөй орто оскуолатын үөрэнээччитэ Дарина Сысолятина ылары ситистилэр”, — диэн иһитиннэрдэ.
Манна даҕатан эттэххэ, саха тылыгар уонна литэрэтиирэтигэр өрөспүүбүлүкэтээҕи биир кэлим эксээмэни саха салаатыгар, тылбааска киирээччилэр туттараллар. Тустаах эксээмэни былырыын 7 оҕо туттарбыта диэн тэрийээччилэр этэллэр.
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…