Саха тылын, литэрэтиирэтин уонна култууратын учууталларын өрөспүүбүлүкэтээҕи II сийиэһэ

Share

Саха сирэ Арассыыйа састаабыгар киирбитэ 390, Саха АССР тэриллибитэ 100, саха тылын үөрэтии саҕаламмыта 100 сылларын көрсө бу сыл сэтинньи 23-24 күннэригэр саха тылын, литэрэтиирэтин уонна култууратын учууталларын өрөспүүбүлүкэтээҕи II сийиэһэ ыытыллара былааннанар.

Төрөөбүт тыл уонна литэрэтиирэ учууталларын II сийиэһин  көрсө  элбэх кэпсэтиһии, чопчулаһыы, сүрүн соруктары торумнааһын бара турар. Сийиэс эрчитинэн ыытыллар сүрүн тэрээһиннэри С.Н.Донской-II аатынан Үөрэҕи сайыннарар уонна идэ таһымын үрдэтэр  үнүстүүт иилиир-саҕалыыр, сүрүннүүр тэрилтэ быһыытынан ананна.

2017 сыллаахха ыытыллыбыт саха тылын, литэрэтиирэтин уонна култууратын учууталларын өрөспүүбүлүкэтээҕи I сийиэһигэр Саха Өрөспүүбүлүкэтин бары улууһуттан, Дьокуускай куораттан 550 дэлэгээт уонна 49 ыалдьыт кыттыбыта. I сийиэскэ пленарнай мунньах, араас суолталаах тиэмэни таарыйар “төгүрүк остуол” уонна саха тылын, литэрэтиирэтин, култууратын үөрэтии кэнсиэпсийэтин бырайыактыыр үлэ хас да хайысханан тэриллибитэ. Сийиэс дэлэгээттэрэ саха тылын, литэрэтиирэтин уонна култууратын үүнэр көлүөнэҕэ, кэлэр кэскилгэ тиэрдэр, сайыннарар туһугар этиилэрэ туһааннаах тэрилтэлэргэ тиэрдибит этиилэрэ төһө олоххо киирбитин чинчийэн, үөрэтэн баран ол түмүгүнэн кэпсэтиһии буолара ирдэнэр.

I сийиэс кэнниттэн үөрэтии-иитии эйгэтигэр үгүс уларыйыы таҕыста. Быйылгы дьылга диэри тирэх быһыытынан туттуллубут Арассыыйа Бэдэрээссийэтин үөрэҕин судаарыстыбаннай ыстандаартыгар уларытыылар киирдилэр. Онно этиллэринэн, Арассыыйа норуоттарын төрөөбүт тылларын, нуучча тылын судаарыстыбаннай тыл быһыытынан үөрэтиини кытта тэҥҥэ, күүскэ уонна толору үөрэтии туһунан этиллэр. Саха тылын учууталын быраабын, билиҥҥи үөрэх тиһигэр кини оруола, саха тыла уонна кэбиниэтэ, саҥа кэм ирдэбилигэр эппиэттиир сахалыы учуобунньуктар, орто анал уонна үрдүк үөрэх кыһаларыгар саха тылын, уонна литэрэтиирэтин, култууратын үөрэтии, оскуолаҕа киирэ илик саастаах оҕону төрөөбүт тылынан иитии-үөрэтии, төрөөбүт тылынан үөрэтиигэ төрөппүт оруолун туһунан; куорат эйгэтигэр саха тылын үөрэтии кыһалҕатын уонна инникитин, саха тылын, литэрэтиирэтин, кэпсэтии тылын олимпиадатын, о.д.а. тыын боппуруостар, тоҕоостоох тиэмэлэргэ “төгүрүк остуоллар”,  санаа атастаһыылар ыытыллыахтара, иһитиннэриилэр буолуохтара, быыстапкалар тэриллиэхтэрэ.

Кэлэр 2023 сыл Арассыыйа Бэрэсидьиэнин ыйааҕынан дойду үрдүнэн Педагог уонна настаабынньык сылынан биллэриллибитинэн, Саха сиригэр төрөөбүт тылынан үөрэтиигэ-иитиигэ, саха тылын сайыннарыыга сыһыаннаах тэрилтэлэри ситимнээх үлэҕэ киллэриигэ, саха тылын үөрэтэр учуутал ыстаатыһын үрдэтиигэ кэскиллээх чопчу этиилэри түмэн, буолаары турар сийиэс үлэтэ бу этиллибит хайысхаларынан, таарыллар тиэмэлэринэн, ыытыллар “төгүрүк остуолларынан” түмүктээх, таһаарыылаах буоларыгар быһаарыныылаах хамсааһыннар оҥоһуллан, дириҥ ис хоһоонноох санаа атастаһыылара тахсан, кэлэр III сийиэс үлэтин былаана онно тирэнэн торумнаныах тустаах.

Үөрэҕи сайыннарар уонна идэ таһымын үрдэтэр   үнүстүүт уопсастыбаннаһы кытта сибээһин салаата.

Recent Posts

  • Култуура
  • Сүрүн

Ил Дархан истипиэндьийэтин 81 киһи ылла

2022 сылтан төрүт култуураны тарҕатааччыларга  Ил Дархан истипиэндьийэтэ бэриллэр буолбута. Бу кэмтэн  уопсайа 81 киһи…

4 минуты ago
  • Сонуннар
  • Үөрэх

Үөһээ Бүлүүгэ Педагогическай дьаарбаҥка 1,2 тыһыынчаттан тахса кыттааччыны түмтэ

Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха…

4 минуты ago
  • Сонуннар
  • Тыа хаһаайыстыбата

Саха сиригэр от ыйын 1 күнүттэн көтөрү бултуурга көҥүллэри биэрии саҕаланна

Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…

34 минуты ago
  • Байыаннай эпэрээссийэ
  • Сонуннар
  • Уопсастыба

“Надежда” түмсүү байыаннай таҥаһы тигэр күрэхтэһиигэ бэлэмнэнэр

Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…

44 минуты ago
  • Сонуннар
  • Уопсастыба

Сахаайалаах Виталий Сыбаайба бэстибээлигэр кыттыахтара

От ыйын 8 күнүгэр -- Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар…

49 минут ago
  • Сонуннар
  • Чэгиэн

Госдуумаҕа тыа сирин миэдиктэригэр биэнсийэ төлөбүрүн үрдэтиэхтэрин баҕараллар

Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…

1 час ago