Хаартыска: СИА
Бэнидиэнньиккэ, кулун тутар 17 күнүгэр, Саха тылын Национальнай куорпуһа оҥоһуллан үлэлээтэ.
Бу куорпуһу оҥорорго үлэ 2022 сылтан саҕаламмыта. Гуманитарнай чинчийии уонна аҕыйах ахсааннаах хотугу норуоттар проблемаларын институтун үлэһиттэрэ ылсан оҥордулар. Саҥа тиһик
киэҥ фильтрдарынан хааччыллыбыт. «Куорпус, бастатан туран, тестовай эрэһииминэн үлэлиэҕэ. Онон эбии уларытыылары, көннөрүүлэри киллэриэхпит», — диэн бырайыак салайааччыта, институт сүрүннүүр научнай үлэһитэ, филологическай билим хандьыдаата Наталья Попова эттэ.
Куорпус 15 мөлүйүөнтэн тахса тыл ситимиттэн турар. Тыл куорпуһа сэттэ салаалаах: тиэкистэр; морфологическай анализатор; табылыыссанан грамматика; дааннайдар баазалара (топонимнар, диалектизмнар, фразеологизмнар, архаизмнар, тиэрминнэр, ааттар, туохтуурдар тиэмэлээх бөлөхтөрө, ааттар уонна араспаанньалар); тылдьыттар; бырайыак туһунан салаа; көмөлөһөр ыйынньык. Холобур, сирдэр ааттарын интерактивнай каартаҕа булуохха сөп. Өссө интерактивнай карталарга диалектизмнар, тус ааттар уонна араспаанньалар бааллар.
Тыл куорпуһа — информационнай-ыйынньык систиэмэтэ. Электроннай көрүҥүнэн тиэкистэри хомуйаллар. Манна литература айымньылара, научнай, үөрэтэр хабааннаах, хаһыаттар, саайтар, социальнай ситимнэр, интэриниэт-пуорумнар тиэкистэрэ киирбиттэр. Түөлбэ тылларын, былыргы умнуллубут тыллары, о.д.а. көрдөтөн булуохха сөп. Бырайыак тэхиньиичэскэй өттүгэр институт үлэһитэ Василий Бочкарев эппиэтинэстээх. Бырайыак салайааччыта — филологическай наука хандьыдаата Наталя Попова.
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…