Хаартыска: Мария Васильева, СИА.
Саха тыла чөл хааларыгар, сайдарыгар кэлин салалта өттүттэн улахан болҕомто ууруллан, киэҥ далааһыннаах хамсааһыннар тахсан эрэллэр. Олортон биирдэстэринэн саха тылын платформатын оҥоруу буолар. Куорпуһу сыл бүтүүтэ холбоон көрөр уонна эһиилгиттэн үлэлэтэр былааннаахтар.
“Ил Дархан, Бырабыыталыстыба өйөбүлүнэн былырыыҥҥыттан саҕаламмыт үс сыллаах бырайыак. Манна араас төрүттэртэн түмүллүбүт тыллар киирэллэр. Быһа холуйан 15 мөл. курдук тыл киирэр. Былырыын уопсай балбааҥкатын оҥорбуппут. Туох сыыһалардааҕын, туох эбиллэрэ ирдэнэрин көрөр инниттэн сыл бүтүүтэ холбоон көрүөхпүт. Эһиилгиттэн үлэлиэхтээх.
Сайдыылаах атын омуктарга 1950-с сс. оҥоһуллубута, миллиардынан ахсааннаах тыллардаахтар. Онтон татаардар, башкирдар 1990-с сыллартан саҕалаабыттара”, — диэн Гуманитарнай чинчийии уонна хотугу аҕыйах ахсааннаах омуктар кыһалҕаларын институтун билимҥэ үлэһитэ Василий Бочкарев этэр.
Көннөрү дьоҥҥо туох туһалаах буолуоҕай диэн ыйытыыга: “Мантан тахсар бородуукталар туһалаахтар. Холобур, бу куорпус көмөтүнэн элбэх, саҥа тылдьыттар, сервистэр оҥоһуллуохтарын сөп. Нуучча тылыгар саҥарар саҥаны тиэкискэ уларытан биэрэр сервистэр бааллар. Маннык сервистэр нөҥүө холбонон киэҥник тарҕаммыт “Алиса” эҥин үлэлииллэр. Саха тылыгар билиҥҥитэ тирэх суох. Дьиҥэр, сахаларга даҕаны ити курдук бородууксуйалары оҥоруон баҕалаах, кыахтаах дьон элбэх эрээри, куорпус суох буолан кыаллыбакка турар. Маны оҥорорго улахан бааза уонна билим тирэҕэ ирдэнэр, биһиги ону бэлэмниибит. Оччотугар программистар онно холбонон сахалыы араас бородууксуйалары оҥорон таһаарар кыахтаныахтара”, — диэн бэрт судургутук уонна тиийимтиэтик быһаарда.
Быһаччы суруналыыстар үлэлэринэн холобурдаатахха, инникитин диктофоҥҥа уһулбут интервьюбутун, анал бырагыраама нөҥүө көмпүүтэр бэйэтэ сыыһата-халтыта суох тиэкискэ түһэрэн биэриэҕэ. Эбэтэр омук ойуулуктарын, киинэлэрин тута сахалыы саҥардан көрөр кыахтаныахпыт. Бу ордук оҕо сахалыы тылланыытыгар төһүү күүһүнэн буолуоҕа. Онон куорпус ситтэҕинэ-хоттоҕуна саха тыла сыыппараҕа киирэр усулуобуйатын хааччыйыаҕа. Тустаах бырайыагы Национальнай бибилэтиэкэни, Хотугулуу-Илиҥҥи федеральнай университеты кытта кыттыһан олоххо киллэрэллэр.
«Якутскэнерго» ПАУо иһитиннэрэринэн, бүгүн, атырдьах ыйын 1 күнүгэр, Дьокуускай куоракка уонна хас да улууска уоту…
Сулустар тугу сипсийэллэр? Эйигин туох күүтэрий? ХОЙ Эниэргийэҥ муҥутуур чыпчаалга тиийэн сылдьар. Онон кэлэр нэдиэлэҕэ,…
Саха сиринээҕи УГМС саайта иһитиннэрбитинэн, бүгүн, атырдьах ыйын 1 күнүгэр, өрөспүүбүлүкэ хотугулуу-илин өттүгэр, соҕуруу оройуоннарыгар,…
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…