Саха тылын, учууталларын сийиэһэ саҕаланна

Дьокуускайга Саха тыйаатырыгар ыраахтан-чугастан Саха тылын, литэрэтиирэтин, төрүт култуура учууталларын өрөспүүбүлүкэтээҕи 3-с сийиэһин дэлэгээттэрэ муһуннулар.

Тэрээһин улахан мунньаҕар Ил Түмэн бэрэссэдээтэлэ Алексей Еремеев, СӨ Бырабыыталыстыбатын бэрэссэдээтэлин солбуйааччы Сергей Местников, Ил Түмэн бэрэссэдээтэлин солбуйааччы Александр Жирков, үөрэх уонна билим миниистирэ Нюргуна Соколова, ыҥырыылаах ыалдьыттар — Улан Удэ куорат 1-кы нүөмэрдээх Бурятия Өрөспүүбүлүкэтин национальнай лиссиэй-интэринээтин алын кылааһын уонна бурят тылын учуутала Светлана Раданжапова, Элиста куорат 24-с нүөмэрдээх уһуйаанын эбии үөрэхтээһинин педагога Екатерина Балакаева кытталлар.