Саха тылын Улахан Тылдьытын электроннай көрүҥэ ахсынньыга оҥоһуллан бүтүөҕэ

Саха тылын Улахан Тылдьытын электроннай версията сыл бүтэһигэр диэри түмүктэниэҕэ.

Саха тылын Улахан тылдьытын 15 туомун электроннай барыйаана саҥа көрүҥүнэн сыл бүтэһигэр диэри оҥоһуллан бүтүөҕэ. Бу туһунан Бырабыыталыстыба бэрэссэдээтэлин солбуйааччы Сергей Местников иһитиннэрдэ. Бу суолталаах тылдьыты электроннай көрүҥҥэ көһөрүү соругун  Тыл сайдыытын сэбиэтин бастакы мунньаҕар  Ил Дархан Айсен Николаев 2019 сыллаахха туруорбута. Ити сылга Арассыыйа наукатын академиятын Гуманитарнай чинчийии  уонна аҕыйах ахсааннаах норуоттар кыһалҕаларын института уонна Национальнай бибилэтиэкэ PDF версия электроннай көрүҥүн оҥорбуттара. Онтон электроннай туомнар оҥоһуллан барбыттара.

2004 сыллаахха 80 тыһыынча тыл киирбит Улахан Тылдьыт 15 сыл устата саҥардыллан, байытыллан оҥоһулунна. Кинигэ биһирэмэ Саха АССР 100 сылыгар ананар.