Хаартыска: "Владивосток-инфо"
Саха уолаттара Александр Игнатьев уонна Максим Охлопков Харбиҥҥа 36-с төгүлүн ыытыллыбыт Муус оҥоһук аан дойдутааҕы куонкуруһугар 3-с миэстэни ыллылар. Кинилэр Сунтаар улууһуттан сылдьаллар.
Бу аан дойдуга хаар, муус оҥоһуктары оҥорорго саамай улахан куонкурус буолар. Кытай, Арассыыйа, Эквадор, Испания, Монголия, Соҕуруу Корея, Индия, Франция курдук улахан дойдулартан 30 хамаанда кытынна. Бу аан дойду үрдүнэн бастыҥтан бастыҥ маастардар буолаллар, ох курдук оҥостон кэлэн, кытталлар.
Саха сириттэн быйыл 3 хамаанда кытынна. Сунтаар уолаттара атынан көтүнэн иһэн, оҕунан ытан эрэр киһини оҥорбуттар. Сүрдээх чараас, уустук үлэ буолар. Аҥаардас сип-синньигэс ох сааны муустан оҥорбуттара сөхтөрөр. Араас үчүгэй, элбэх үлэни көрбүт дьүүллүүр сүбэ ону барытын учуоттаабыт буолуохтаах.
Былырыын Николай Петров (Үөһээ Бүлүү) уонна Архип Скрябин (Мэҥэ Хаҥалас) бу куонкуруска 2-с миэстэни ылары ситиспиттэрэ. Кинилэр Дьокуускайга ыытыллар «Бриллианты Якутии» куонкурус кыайыылаахтара буолаллар.
2020 сыллаахха Нам педагогическай колледжын уһуйааччыта Роман Петров уонна урбаанньыт Иван Румянцев бу бэстибээлгэ кыайан тураллар.
Харбин куоракка хаар, муус оҥоһуктар бэстибээллэрэ 60 сыл устата ыытыллан кэллэ. Хаар оҥоһукка күрэс туспа ыытыллар. Киһи сөҕөр баараҕай, уустук оҥоһуктары оҥорон таһаараллар. Араас уотунан дьиримниир хаар, муус куораты тутан таһаараллар. Бу бэстибээл элбэх туриһы ыҥырар, угуйар.
Таатта улууһун киинигэр Ытык Күөлгэ күрэс төрүт көрүҥнэригэр XXII "Манчаары оонньууларын" түмүктүүр тэрээһин "Дьулуруйар Ньургун…
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …