Саха спортсменнара сумоҕа Арассыыйа чөмпүйэнээтигэр миэстэлэстилэр

Казань куоракка сумоҕа 24 саастарыгар диэри эр дьоҥҥо Арассыыйа чөмпүйэнээтэ уонна бастыыр иһин күрэхтэһии буолла. Манна Саха сирин хапсаҕайдьыттара үс мэтээли ылары ситистилэр.

«Эҥсиэли хапсаҕайын» муҥутуур кыайыылааҕа Владислав Левчиков 75 киилэҕэ диэри ыйааһыҥҥа боруонса призер буолан, Арассыыйа успуордун маастарын нуорматын толордо.

Хаҥалас улууһуттан сылдьар Родион Васильев үрүҥ көмүс, оттон Кэбээйиттэн сылдьар Сергей Николаев боруонса мэтээллэри ыллылар диэн «Триумф» пресс-сулууспата иһитиннэрэр.