Василий Кононов хаартыската
Сэттис ыҥырыылаах Ил Түмэн пленарнай мунньаҕын иккис күнүгэр норуот дьокутааттара өрөспүүбүлүкэ сокуоннарын саха уонна нуучча тылларынан тиэкистэрин биир тэҥ буолалларын олохтуур хамыыһыйаны тэрийии туһунан уураах ылыннылар.
Санатан эттэххэ, ааспыт сылтан Ил Түмэҥҥэ киирэр сокуон барыллара икки судаарыстыбаннай тылынан, сахалыы уонна нууччалыы, тэҥҥэ оҥоһуллар буолбуттара. Татарстан уонна Тыва Өрөспүүбүлүкэлэрэ икки тылынан сокуону таһаарбыттара быданнаабыт. Оттон биһиэхэ сокуону тылбаастааһын саҥа киирэн эрэр, онон уустуктардаах.
Ол иһин бу хамыыһыйа Саха Өрөспүүбүлүкэтин сокуоннарын тиэкистэрин нууччалыыттан сахалыы тылбаастааһыҥҥа сыыһа тахсыбатын уонна сөпкө быһаарар сыаллаах оҥоһулунна. Хамыыһыйа чилиэннэрэ өрөспүүбүлүкэ сокуоннара сахалыы тылбаастаныылара тэҥ суолталаах уонна тылбааска көҥүллүк толкуйдаан ханарытыы суох буоларын кэтээн көрүөхтэрэ.
Саҥа хамыыһыйа бэрэссэдээтэлинэн Ил Түмэн бэрэссэдээтэлин бастакы солбуйааччы Александр Жирков буолла. Солбуйааччытынан норуот дьокутаата Алена Атласова, оттон хамыыһыйа чилиэннэринэн Николай Бугаев уонна Андрей Находкин киирдилэр. Александр Жирков төрөөбүт тылы сайыннарыы боппуруоһунан өр сылларга дьарыктаммыт, Николай Бугаев эмиэ куорат оскуолаларыгар сахалыы тылынан үөрэтиини, кылаастары элбэтиини туруорсубут, оттон Андрей Находкин саха тылын учууталынан үлэлээбит, анал үөрэхтээх норуот дьокутааттарынан буолаллар.
Ил Түмэн аппараатын докумуоҥҥа салалтатын начаалынньыга Мария Илларионова Саха уонна нуучча тылларынан тиэкистэр биир тэҥ буолалларын олохтуур хамыыһыйа сэкэрэтээринэн ананна.
Федеральнай хамыыһыйа «Бастыҥ муниципальнай практика – 2025» Бүтүн Арассыыйатааҕы күрэх кыайыылаахтарын биллэрдэ, кинилэр ахсааннарыгар Саха…
Саха сиригэр дьиэ кэргэҥҥэ атаҕастаныыттан сэрэтэр сокуону ылынарга этии киллэрдилэр. «Атаҕастаныыттан дьиэ кэргэн быраабын көмүскээһин»…
Үс уонна онтон элбэх оҕону төрөппүт дьахталлар, сөптөөх үлэ ыстаастаах буоллахтарына, болдьоҕун иннинэ биэнсийэҕэ тахсар…
«Сосновай бор» оҕону сынньатар, чэбдигирдэр кииҥҥэ «Көлүөнэ уопута» симиэнэ улахан ситиһиилээхтик ыытылынна. Бу ураты бырайыак…
Страховка бааны ночооттон, оттон кирэдьиит ылааччыны – болдьоҕун аһарыыттан көмүскүүр. Холобур, кирэдьиит ылааччы ыараханнык ыалдьан…
Хотугу сахалар бу кэмҥэ бултууллар, ол иһин бу ыйы ох ыйа дииллэр. Олоҥхоттон сэтинньигэ уруу…