Хаартыска: Ил Дархан, бырабыыталыстыба дьаһалтатын пресс-сулууспата
Сэтинньи 12 күнүгэр Москваҕа ВДНХ-ҕа буола турар «Арассыыйа» норуоттар икки ардыларынааҕы быыстапка-пуорумҥа Саха сирин күнэ ыытылынна. Манна сахалыы уруу сиэрин-туомун көрдөрдүлэр. Киинэ, тыйаатыр артыыската Жанна Ксенофонтова уонна режиссер Владислав Федоров урууларын сахалыы сиэринэн-туомунан ыыттылар. Кинилэр бу тэрээһиҥҥэ кытталларыгар сайын куонкуруһу ааспыттара.
Сыанаҕа Олоҥхо тыйаатырын артыыстара кийиит кыыһы таҥыннарыы уонна алгыс сиэрин-туомун толордулар. Бу кэнниттэн эдэрдэр саахсаланнылар. Үөрүүлээх тэрээһини маассабай оһуокай түмүктээтэ.
— Саха сирин олохтоохторо дьиэ кэргэн сыаннастарыгар, үйэлээх үгэстэргэ ытыктабыллаахтык сыһыаннаһаллар. Дьиэ кэргэттэри өйөөһүн — Саха сирин сайдыытын биир суолталаах олуга. Саҥа тэриллибит дьиэ кэргэни олохторугар улахан суолталаах түгэнинэн эҕэрдэлиибин! Эдэрдэргэ дьолу, өйдөһүүнү, этэҥҥэ буолууну баҕарабын! — диэн Ил Дархан Айсен Николаев эҕэрдэлээтэ.
«Арассыыйа» быыстапка-пуорум бэрэсидьиэн Владимир Путин сорудаҕынан, сэтинньи 4 күнүттэн 2024 сыл муус устар 12 күнүгэр диэри ыытыллар. Манна дойду сүрүн ситиһиилэрин, эрэгийиэннэр туһалаах уопуттарын, норуоттар олохторо-дьаһахтарын, үгэстэрин көрдөрүөхтэрэ. Холобур, Арассыыйаҕа олорор бары омуктар урууларын сиэрин-туомун көрдөрүөхтэрэ. Саха сирэ биир бастакынан уруу сиэрин-туомун көрдөрбүтүн, тыһыынчанан көрөөччү көрдө-иһиттэ, сэҥээрдэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…