Хаартыскалары Роман Алексеев тиксэрдэ
Саха сирин уустара «Клинок – үгэстэр уонна аныгы кэм» диэн ааттаах аан дойдутааҕы быыстапкаҕа тимири уһаарыы ураты ньыматын көрдөрдүлэр.
Үс күннээх маастар-кылаас кэмигэр тимир уустара 15 киилэ тимири ууллардылар. Алтынньы 31 күнүттэн сэтинньи 3 күнүгэр диэри Москваҕа ыытыллар быыстапкаҕа Саха сириттэн 14 тимир ууһа кытынна.
Тимир ууһа Роман Алексеев иһитиннэрбитинэн, быыстапкаҕа анаан Саха сириттэн Амма, Өлүөнэ уонна Буотама өрүстэриттэн хостоммут тимир уруудата аҕалыллыбыт. Үс күн иһигэр уустар 15 киилэ тимири уулларан ыллылар: бастакы күн – сэттэ киилэни, иккискэ – биэһи, үһүскэ – үһү. Тимир уһаарыытын таһынан, ыалдьыттар саха быһахтарын кытта билсибиттэр, ол иһигэр балык кыһарга холонон көрбүттэр, оҥоһуктары уонна бэлэхтэри сыаналаабыттар, хомус уонна кырыымпа тыыннаах дорҕоонун истибиттэр.
Бэлиэтээн эттэххэ, 51-с «Клинок – үгэстэр уонна аныгы кэм» аан дойдутааҕы быһах уонна тимир оҥоһуктар быыстапката үгэс быһыытынан Арассыыйа бары муннугуттан бастыҥ тимир уустарын, маастардарын уонна коллекционердарын түмэр. Тэрээһин сылга иккитэ ыытыллар уонна дойду биир саамай бөдөҥ уустарын түһүлгэтинэн ааҕыллар.
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…
Москваҕа Арбатскай-Покровскай лииньийэҕэ «Уһук Илин экспреһэ» диэн пуойас сүүрэн саҕалаата. Бу пуойас Норуот сомоҕолоһуутун күнүгэр…
Сэтинньи 1 күнүгэр «Уһук Илин күннэрэ - Москваҕа– 2025» иитэр-патриотическай тэрээһиннэр чэрчитинэн «Арассыыйа» национальнай киинигэр…
«Чайковскай-фест.Якутск» опера уонна балет бэстибээлин түмүктүүр үөрүүлээх гала-кэнсиэригэр опера солисткатыгар Екатерина Захароваҕа «Саха Өрөспүүбүлүкэтин үтүөлээх…