«САХА ВОЛОНТЕР. ДЕТИ» хамсааһын волонтердара байыастары өйүүллэр
![](https://sakha-sire.ru/wp-content/uploads/2024/05/152b6dfc3abb234216c910e6bb86908f395a4b08-900x596.jpeg)
Аан дойдутааҕы Оҕо көмүскэлин көрсө «Защитники Отечества» судаарыстыбаннай пуонда Саха сиринээҕи филиалын баазатыгар «САХА ВОЛОНТЕР. ДЕТИ» волонтердар сүлүөттэрэ буолла.
Бу бырайыак М.В. Мегежекскэй аатынан «Фемида» кулууп уонна Дьокуускайдааҕы «Лига женщин города Якутска» хамсааһыннар «Алмаасэргиэнбаан 30 үтүө дьыалата » диэн социальнай уонна аһымал бырайыактар грант куонкуруһун кыайыылааҕа буолар.
![](https://sakha-sire.ru/wp-content/uploads/2024/05/a6dd2ed37e7fca1b26ced19d031042d0d45ef9c6.jpeg)
![](https://sakha-sire.ru/wp-content/uploads/2024/05/09913185c157a5d66184ce6d892dcc1a099dfb4a.jpeg)
![](https://sakha-sire.ru/wp-content/uploads/2024/05/14736b2159ed8db36398502aa1d8eafec4e0f733.jpeg)
![](https://sakha-sire.ru/wp-content/uploads/2024/05/078f635ecdf8fca2e4cc1287c90e70b8686baf08.jpeg)
![](https://sakha-sire.ru/wp-content/uploads/2024/05/8266bea7feac3becfd5453c6b301ccb0608964ac.jpeg)
![](https://sakha-sire.ru/wp-content/uploads/2024/05/b715b5486e11cf4e9143ddc9c6f0b4775fce8e95.jpeg)
Үөрэх дьылын иккис аҥаарыгар эдэр волонтердар педагогтары уонна төрөппүттэри кытта араас аахсыйалары тэрийэн ыыттылар, үтүө дьыала тэрээһиннэрин оҥордулар. Бырайыак «ВОЛОНТЕРЫ САХА. ДЕТИ» этэрээт бүтүн өрөспүүбүлүкэ оскуолаларын 1000 тахса оҕолорун түмтэ. Бырайыак кыттыылаахтара 1840 суругу, 250 аккырыыкканы, 35 сыттыгы тиктилэр, 150 харысхалы, о.д.а. оҥордулар. Ону кытта саха байыаһа Анатолий Храмов хоһооннорунан 6 видео-роликтары устан бэлэх ууннулар. Маны барытын СӨ Бастайааннай бэрэстэбиитэлистибэтин «ВОЛОНТЕРЫ САХА» волонтердарын киинигэр тиэрдилиннэ.
Тэрээһин түмүгэр Дьокуускайдааҕы мэдииссинэ кэллиэһин устудьуоннара сүлүөт кыттыылаахтарыгар флешмоб бэлэхтээтилэр, оттон тэрийээччилэр кыттааччыларга үөрүүлээх- көтүүлээх, чаҕылхай сынньалаҥнары баҕардылар уонна үтүө дьыалалар иһин махтаннылар.
Сообщить об опечатке
Текст, который будет отправлен нашим редакторам: