Бу күннэргэ «Саха волонтёрдара» хамсааһын актыбыыстара Арассыыйа киин куораттарыгар баар госпиталларга сытар бааһырбыт байыастарга 960 кииллэттэн тахса сахалыы ас бородууктатын илдьэн биэрдилэр.
Эчэйэн госпиталга сытар уолаттарбытыгар анаан, олохтоох ас бородууктатын кинилэр аймахтарыттан, дьонноруттан-сэргэлэриттэн, биир дойдулаахтарыттан хомуйан саҕалаабыт, бэйэтэ саллаат ийэтэ Светлана Диодорова-Лаврентьева бу төрдүс сырыыта.
«Өрөспүүбүлүкэҕэ аахсыйаны биллэрбиппитигэр Тыа хаһаайыстыбатын министиэристибэтэ тута биһиэхэ тахсан, эт бородууксуйатын аҕалбыта. Волонтердары кытары Москва госпиталларыгар сытар уолаттарбыт түргэнник үтүөрэллэрин, сэниэ киллэринэллэрин курдук, бэйэлэрин төрүт астарын буһаран илдьэр буолбуппут», – диэн Светлана Диодорова-Лаврентьева кэпсээтэ.
Аахсыйаны тэрийээччилэр Саха сирин олохтоохторун бу бырайыакка кыттыһан үтүө кылааттарын киллэрэллэригэр ыҥыраллар. Билиҥҥитэ ынах, убаһа, таба этинэн, балыгынан уолаттар дьиэ кэргэттэрэ, бииргэ үөрэммит доҕотторо, улуус баһылыктара, дьокутааттара, биир дойдулаахтара көмөлөһөллөр. Бу сырыыга Чурапчы, Мэҥэ Хаҥалас, Таатта, Хаҥалас, Кэбээйи, Өлүөхүмэ, Нам уо.д.а. улуустартан 960-н тахса киилэ бородуукта хомуллан тириэрдилиннэ. Манна биһиэхэ күүс-көмө буолбут дьоммутугар-сэргэбитигэр, Надежда Федорова, Айыллаана Винокурова салалталаах волонтердарга, Олоҥхо тыйаатырын кэллэктиибигэр уонна тиэйиигэ-таһыыга көмөлҕспүт «Якутия» авиакомпанияҕа уонна пассажирдарыгар Светлана Диодорова махталын тириэрдэр.
Москваҕа кэлбит төрдүс баартыйа бородууктаны «Саха волонтёрдара» араартаан, сороҕун Доннааҕы Ростовка уонна Санкт-Петербурга ыыталаатылар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…