Хаартыска: ааптар тиксэриитэ
Анаабыр улууһун Үрүҥ Хайа нэһилиэгэр “Анаабыр алмаастара” хампаанньа үлэһиттэрэ олорор, үлэлиир сирдэригэр бара сылдьан, салайааччы, Ньурбаттан төрүттээх Артур Альбертович Эверстовы кытары кэпсэттим.
Эдэр киһи манна 2021 сылтан үлэлиир. Оттук отделын исписэлииһинэн ананан кэлэн баран, 2023 сылтан база начаалынньыгынан үлэлиир.
Артур Эверстов Томскайдааҕы политехническай институкка “ньиэп-гаас дьыалатын” үөрэҕин бүтэрбит. Ийэтэ Елена Петровна ускуустуба кэллиэһигэр үлэлээбит, билигин биэнсийэлээх. Аҕата
Андрей Петрович — урбаанньыт. Посельскайдар икки оҕолоохтор.
Артур Эверстов кэпсээбитинэн, үлэлиир учаастага сэрэхтээх буолууну эрэйэр, онон күнүстэри-түүннэри АЛРОСА харабыл үлэһиттэрин кытары көрө-истэ сылдьаллар. Оператордар, кладовщиктар ханна да туох да тэстии буолбатын курдук кэтииллэр-маныыллар. Дизель оттуктарын “наливтар” диэн ааттыыллар эбит. Бензовоз массыыналарынан тустаах сирдэргэ илдьэллэр. Ону таһынан дьон олорор богуоннарын, контейнердары, селитраны, дизель оттугун аҕалаллар. Сайын таһаҕастара хараабылынан кэлэр.
Эбэлээххэ биэс сүүс киһи үлэлиир, таһаҕас үксэ онно тиэллэр. Уолаттар симиэнэнэн үлэлииллэр. Манна үлэлээччилэр үгүстэрэ 23-55 саастаахтар. Барыта 40 киһи үлэлиир. Поварынан Дьокуускайтан сылдьар, үс оҕолоох ыал аҕата Сергей Кузнецкай үлэлиир. Кини Дьокуускайдааҕы кооперативнай кэллиэһи бүтэрэн, ”Махтал” кафеҕа үлэлии сылдьыбыт.
Суол оҥоһуутугар түөрт тыраахтар үлэлиир. Хоту дойдуга эмискэ буурҕа, тыал түһэр. Типпит хаары ыраастаан иһэр буоланнар, суол түргэнник оҥоһуллан, сырыы баар буолан, олохтоохтор абырыналлар эбит.
Ыччаттар иллэҥ кэмнэригэр олохтоох ыччаттары кытары волейбол, саахымат, дуобат күрэхтэһиитигэр кыттыбыттар. Бу олус иллээх, үлэҕэ эппиэтинэстээх кэлэктиип уолаттарын кытары кэпсэтэн, салайааччы Эверстов Артур Альбертовичка үлэтигэр ситиһиини, үрдэлтэн үрдэлгэ тахсан иһэригэр баҕа санаабын тириэрдэбин.
Галина БОРИСОВА-ТОЛБООНО
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…
Бүгүҥҥүттэн православнай христианнарга Улуу пост иннинээҕи бырааһынньык - Масленица саҕаланна. Саха дьоно төһө да бары…
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…