Хаартыска: sakhagov.ru
От ыйын 8 күнүгэр — Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар бары бииргэ саахсаланыахтара. Үөрүүлээх сиэр-туом от ыйын 8 күнүттэн 10 күнүгэр диэри «Россия» национальнай кииҥҥэ ыытыллар «Арассыыйа. Сүрэхтэри ситимниир» II Бүтүн Арассыыйатааҕы сыбаайба бэстибээлигэр ыытыллыаҕа.
Виталий Андреев уонна Сахаайа Захарова Москваҕа сылдьан билсиспиттэрэ. Эдэрдэр бэйэ-бэйэлэригэр социальнай ситимҥэ суруйтарбыттар, ол эрээри сибээстэспэтэхтэр.
Сахаайа аан бастаан Москватааҕы марафоҥҥа кыттарга санаммыт уонна Виталийга — уопуттаах марафонецка, кардиологка сүбэ-ама көрдөөн суруйбут. Уол бииргэ дьарыктанарга, көрсүһэргэ этии киллэрбитэ, ол бастаан элбэх чаас усталаах кэпсэтиигэ, онтон күүстээх сыһыаҥҥа кубулуйбута.
Виталий Андреев — кардиолог, мэдиссиинэ наукатын хандьыдаата, Арассыыйа Федеральнай мэдиссиинискэй-биологическай ааҕыныстыбатын Москва уобалаһыгар баар 9 №-дээх мэдиссиинэ биригээдэтин тымыр киинин салайааччыта. 2024 сыллаахха холбоһуктаах мэдиссиинэ этэрээтин састаабыгар киирэн, Запорожье уобалаһыгар, Энергодар куоракка ыарыһахха күнүстэри-түүннэри көмөнү оҥорон, терапия уонна кардиология салаатын салайааччытын эбээһинэһин толорон үлэлээбитэ.
Сахаайа Захарова Москваҕа ювелирнай хампаанньаҕа геммологунан үлэлиир. Өрөспүүбүлүкэтээҕи ырыа куонкурустарын кыттыылааҕа, призера.
Оттон кинилэри спорт ситимниир эбит. Виталий триатлонист, Москва уонна Сочи күрэхтэһиилэригэр үс төгүллээх IronStar финишера, Москватааҕы марафон алта төгүллээх, Саха сирин бастакы марафонун, Санкт-Петербурга Хотугу киин полумарафонун финишера, харбааһыҥҥа эмиэ ситиһиилэрдээх.
Оттон Сахаайа Москватааҕы марафон, икки төгүллээх Москва полумарафонун, Санкт-Петербург полумарафонун финишера, «Гонка Героев» икки төгүллээх финишера (40 мэһэйдээх 10 км трасса), 3000 миэтэрэ үрдүктэн парашютунан ыстаныыны толорбута.
«Арассыыйа. Сүрэхтэри ситимниир» сыбаайба бэстибээлэ от ыйын 10 күнүгэр диэри салҕанар, бырагырааматыгар үөрэтэр экскурсиялар, маастар-кылаастар, быыстапкалар, лиэксийэлэр уонна кэпсэтиилэр киириэхтэрэ. Бэстибээл үлэлиир кэмигэр бэйэлэрин норуоттарын сыбаайбалыыр үгэстэрин, баай култуураларын арыйыахтара.
Санатан эттэххэ, Бүтүн Арассыыйатааҕы сыбаайба бэстибээлэ аан бастаан 2024 сыллаахха «Россия» норуоттар икки ардыларынааҕы быыстапка уонна пуорум чэрчитинэн ыытыллыбыта. Тэрээһин бастакы күнүгэр 300-тэн тахса киһи саахсаламмыта. Бу тэрээһин Арассыыйа рекордун кинигэтигэр киирбитэ. Онтон «Россия» быыстапка ыытыллар кэмин тухары 564 киһи ыал буолбута.
Сиһилии: https://www.sakha.gov.ru/news/7521
РФ Бэрэсидьиэнэ Владимир Путин от ыйыгар баттаабыт сокуонугар олоҕуран, 2025 сыл балаҕан ыйын 1 күнүттэн…
Билигин социальнай ситимнэринэн улуустартан араас интэриэһинэй биллэриилэр дьон болҕомтотун тардар буоллулар. Соторутааҕыта Горнай улууһуттан кэргэннии…
«Тыгын Дархан» эрэстэрээн хамаандата Уус Маайа улууһугар гастрономическай эспэдииссийэҕэ турунна. Тэрээһин сүрүн сыала – былыргы…
Силиэстийэлиир кэмитиэт Өлүөхүмэ оройуонунааҕы силиэстийэлиир салаата 2-с Нөөрүктээйи нэһилиэгин 53 саастаах олохтооҕор холуобунай дьыаланы тэрийдэ.…
Дьокуускайга оҕону эчэппит киһи 100 тыһ. солк. төлүүр буолла. Дьокуускай куорат борокуратуурата сокуоннай сааһын ситэ…
Ньурба улууһун Антоновка оскуолатын 28-с выпуһа арт-эбийиэк бэлэх ууннулар. Бу туһунан олохтоох дьаһалта иһитиннэрдэ. -…