«Сахаэнерго» энергетигэ Суворов мэтээлинэн наҕараадаланна

«Сахаэнерго» АУо («Якутскэнерго» ПАУо састаабыгар киирэр) Үөһээ Дьааҥытааҕы электрическэй ситимнэрин машиниһа Суворов мэтээлинэн наҕараадаланна.  

Монгол диэн позывнойдаах  энергетик  мотострелковай биригээдэ рядовойунан сулууспалыы сылдьар.  Байыаннай дьайыыга мобилизация саҕаланыаҕыттан  сулууспалыыр диэн хампаанньа пресс-сулууспата иһитиннэрэр.

Донецкай хайысхатынан өстөөхтөр  кимэн киирэ сатааһыннарын  тохтотууга  байыас бойобуой соругу толорбут.

«Бойобуой соругу толоруу кэмигэр хаҥас илиибэр кыра бааһырыныы ылбытым, ол да буоллар сыалбын ситистим», – диэн   Монгол  кэпсээбит.

Бүгүн энергетик Донецкай хайысхатынан байыннай дьайыы соруктарын толорууга салгыы сулууспалыы сылдьар.