www.sakha.gov.ru
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха сирин култууратын уонна духуобунай сайдыытын миниистирэ Афанасий Ноев уонна киинэ хампаанньа үлэһиттэрэ кыттыылаах мунньахха 2026-2027 сыллардааҕы сайдыы былаанын билиһиннэрдэ.
Бу туһунан Култуура министиэристибэтигэр иһитиннэрэллэр. «Продюсерскай отделы арыйыы сыала-соруга – дойду иһигэр да, аан дойду таһымыгар да үбүлээһини булар уонна бырайыактары олоххо киллэрэр кыахтаах идэтийбит продюсердары иитэн таһаарыы буолар. Ол туһугар Москваҕа «Сахафильм» филиала наада. Ол филиал олохтоох уонна Уһук Илиннээҕи кинематографияны өйүүр киин буолуохтаах, ону таһынан тас дойду партнердарын кытта бииргэ оҥорууну (копродукцияны) сайыннарыыга көмөлөһүөхтээх.
Степан Бурнашев салайааччылаах Саха сирин кинематографистарын Ассоциациятын кытта бииргэ үлэлээн, киинэлэри айарга уопуту уонна кыахтары кэҥэтии былааннанар. Ол оҥорон таһаарар бородууксуйа хаачыстыбатын уонна күрэстэһэр кыаҕын үрдэтиигэ көмөлөһүөхтээх», — диэн Алексей Егоров бэлиэтээтэ. Бу туһунан www.sakha.gov.ru иһитиннэрэр.
Афанасий Ноев тэрилтэҕэ продюсерскай хайысханы сайыннарыы суолталааҕын бэлиэтээтэ, грамотнай менеджмент саха киинэтигэр саҥа кэскили арыйар кыахтааҕын эттэ. Кини ону таһынан Кытайга саха киинэтин көрдөрөр кыаҕы үөрэтэргэ уонна аан дойдутааҕы бииргэ үлэлээһин географиятын кэҥэтэр инниттэн РФ Атыы-эргиэн бэрэстэбиитэлистибэтин нөҥүө инвестициялары тардар кыаҕы үөрэтэргэ этии киллэрдэ.
«Бүгүн саха киинэтэ аан дойду кинематографиятыгар бочуоттаах миэстэни ылар уонна атыылыыр ырыынактары кэҥэтиини, саха киинэтин сэҥээрээччилэрин ахсаанын элбэтиини ирдиир сайдыы кэрдиис кэмигэр турар. Ол уопсайынан айар индустрия сайдыытыгар уонна СӨ Ил Дархана Айсен Николаев «Айар индустриялары сайыннарыы туһунан» стратегическай ыйааҕар бэлиэтээбит сыалларын ситиһиигэ көмөлөһүө», — диэн Афанасий Ноев эттэ.
Алексей Егоров ону таһынан быйылгы сыл сүрүн тэрээһиннэрин билиһиннэрдэ. Ол курдук, «Сахафильм» киинэ хампаанньатын өйөбүлүнэн Саха сиригэр тоҕус саҥа киинэ уһуллан тахсара былааннанар. Киинэ хампаанньата IX Дьокуускайдааҕы норуоттар икки ардыларынааҕы киинэ бэстибээлин, «Чыпчаал» киинэ бириэмийэтин ыытыаҕа, ону тэҥэ АГИКИ-ни кытта «Киинэ өрөспүүбүлүкэтэ» диэн кылгас метражтаах киинэлэр бэстибээллэрин тэрийиэҕэ. Сиһилии: https://www.sakha.gov.ru/news/19682
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…