Салгыы
«Сахафильтр» хампаанньа Хатырык олохтоохторун ыраас уунан хааччыйар

«Сахафильтр» хампаанньа Хатырык олохтоохторун ыраас уунан хааччыйар

Ааптар:
06.06.2024, 09:30
Хаартыска: sakha.gov.ru
Бөлөххө киир:

Нам уонна Өлүөхүмэ улуустарыгар халаан уутуттан эмсэҕэлээбиттэргэ Саха сирин тэрилтэлэрэ  көмө оҥороллорун салҕыыллар. «Якутия»технопарк резиденнэрэ эмиэ туора туран хаалбатылар.

«Сахафильтр» хампаанньа икки нэдиэлэ анараа өттүгэр Нам улууһун Хатырык нэһилиэгэр ууну ыраастыыр мобильнай блок-бырысыабы аҕалан туруорбута. Бу ыстаансыйа олохтоохтору бары ирдэбиллэргэ эппиэттиир ыраас иһэр уунан  хааччыйар. Күн ахсын мобильнай ыраастыыр ыстаансыйа өҥөтүнэн 1000-тан тахса олохтоохтор босхо туһаналлар. Кинилэр ханнык баҕарар кэмҥэ иһэр уунан толору хааччыналлар», — диэн Саха сирин Бырабыыталыстыбатын Бэрэссэдээтэлин солбуйааччы Анатолий Семенов кэпсээтэ. Хампаанньа дириэктэрэ Эдвина Пестрякова этэринэн, олохтоохтор уу хаачыстыбатын сөбүлүүллэр.

Мобильнай ыстаансыйа аныгы ууну ыраастыыр ирдэбилин барытын толорор кыахтаах. Бу ыстаансыйа хонтуруола суох үлэлиэн сөп, чаас иһигэр 250 лиитирэ ууну ыраастыыр. Сэттэ түһүмэхтээх ыраастыыр тиһик көмөтүнэн айылҕаттан, мэхэньиичэскэй киртийиититтэн, радиоактивнай тиһиктэртэн ууну хантан баҕарар ылан ыраастыахха сөп, уустук килиимэттээх уонна хонуу усулуобуйаларыгар үлэлиир кыахтаах. Ыстаансыйа экстремальнай усулуобуйаҕа тургутууну ситиһиилээхтик ааспыта биллэр.

Бу иннинэ маннык ууну ыраастыыр 30 мобильнай ыстаансыйалары анал байыаннай дьайыы зонатыгар ыыппыттара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: