Хаартыска: archivesakha.ru
Бэҕэһээ, кулун тутар 16 күнүгэр Алексей Кулаковскай-Өксөкүлээх Өлөксөй төрөөбүтэ 146 сылын бэлиэтээбиппит. Кини саха сайдыытын түстээбит “Саха интеллигенциятыгар суругун” дьиҥнээҕэ, бэйэтин илиитинэн суруйбут суругун соҕотох көрүҥэ ордон, билигин Национальнай архыыпка хараллан сытар. Ол туһунан Национальнай архыып дириэктэрин солбуйааччы Наталья Николаевна Малышева кэпсиир.
Дьиҥинэн, “Саха интеллигенциятыгар сурук” айымньытын суруйан баран, бэйэтин буочарынан саҥа лиискэ устан, 3-4 суругу оччотооҕу саха чулуу дьонугар, үөрэхтээхтэригэр аахтара ыыппыта дииллэр. Былдьаһыктаах, сойуолаһыылаах сылларга биир эрэ сурук ордон хаалбытыгар махтал. Бу биир суругу саха бастакы бөлүһүөгэр, Сунтаар улууһугар олорбут Егор Молотковка ыыппыта диэн сабаҕалааһын баар, ол эрээри, докумуоннарынан ол кыайан бигэргэммэт.
— Национальнай архыыпка 1 мөлүйүөн 420 тыһыынча докумуон харалла сытар буоллаҕына, бу “Письмо якутской интеллигенции” сүдү айымньы биир саамай сыаналаах докумуоннарга киирсэр. 2013 сыллаахха бу докумуон “Реестр уникальных документов РС(Я)” киирбитэ. Графологическай эспэртиисэ оҥоһуллан, чахчы Кулаковскай буочара буолара дакаастаммыта.
Бу докумуон архыыпка хайдах киирбитэй? 1933 сыллаахха Сунтаартан райпартком сэкиритээрэ Максимов партийнай архыыпка ыыппыт. Партийнай архыып Национальнай архыып филиала диэн буолбута, онтон ыла бу ураты докумуон 90 сыл устата биһиэхэ хараллан сытар.
Сунтаар партийнай архыыбыгар хайдах киирбитин туһунан чопчу докумуон суох, ол гынан баран, партийнай архыып сэбиэдиссэйэ бу Максимовы кытта Москватааҕы үлэһиттэр илиҥҥи коммунистическай университеттарыгар бииргэ үөрэммиттэр, алтыһаллар эбит. Максимов бу улахан киһи суруга диэн үйэтитээри, өр сылларга харалтаҕа киирдин диэн туттарбыт буолуохтаах.
Хаартыска: СӨ Национальнай архыыбын саайтыттан уонна ааптар түһэриитэ.
Нерюнгри улууһун Чульман бөһүөлэгэр 18 саастаах уол таһырдьа -40 кыраадыс буолан турдаҕына, дьиэлэр ититиилэрин ситимнэрин…
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо…
Ахсынньы 25 күнүгэр Украинаҕа эйэлээх сөбүлэһии оҥоһуллуохтаах диэн Трамп олохтообут болдьоҕо бүттэ. Билиҥҥи туругунан эйэлээх…
Саха сиригэр "Дьиэ кэргэн" национальнай бырайыагынан 437 мэдиссиинэ аныгы тэрилэ кэллэ. Арассыыйа бэрэсидьиэнэ Владимир Путин көҕүлээбит…
«Үлэ киһитэ» бириэмийэ араас салааларга үлэлиир дьон үлэҕэ ситиһиилэрин өрөспүүбүлүкэтээҕи билиниитэ буолла. Ил Дархан Ил…
2026 сыл -- Ат сыла үүнэрэ аҕыйах хонук хаалла. Бары даҕаны бу күүтүүлээх, долгутуулаах кэлэр…