Хаартысканы Марта Николаева тиксэрдэ
Аҕыс ыйдаах кыһын кэнниттэн, күөххэ үктэммиччэ, киһи ыһыах иннинэ сынньаныан, айылҕаттан күүс-уох ылан барыан баҕарар. Уоппуска туһунан санаабакка да сырыттахха, Бүлүү улууһуттан фольклор специалиһа, улуустааҕы Оһуокай уопсастыбатын бэрэссэдээтэлэ Светлана Тарасовна Иванова Казахстаҥҥа «Коктем» диэн ааттаах санаторийга сынньана бараары сылдьарын туһунан кэпсээтэ.
Ону иһиттим истибэтим диэбиттии, ыам ыйын бүтэһик күнүгэр айан суолун туттубут. Кинини кытта сэргэ түөрт биир идэлээхтэрэ барыстылар. Бу санаторий Казахстаҥҥа саамай биллэр улахан сынньанар сирдэрэ эбит. ССРС ыһыллыбытын кэннэ тохтуу сылдьан баран, сөргүтүллэн, билигин акционернай тэрилтэ буолбут. Сир анныттан тахсар минеральнай ууну эмтэниигэ туһаналлар. Маҥнайгы сыанабыл биллэн туран хайдах сыһыаннаһалларыттан уонна бастатан туран, астара төһө минньигэһиттэн тутулуктаах. Уонча күн устата ас уларыйа турар, олус минньигэс уонна аһын арааһа элбэх. Кэпииртэн саҕалаан, тэбиэн үүтэ шубат диэн ааттанар, саамай утахха иһэргэ үчүгэй эбит. Наһаа кымыс курдук аһыы буолбатах.
Путевкаҥ иһигэр процедуралара эмиэ арааһа элбэх. Медперсонал олус эйэҕэстэр, бары нууччалыы ыраастык саҥараллар. Күн ахсын экскурсия арааһа. Хайа күрүлгэннэриттэн саҕалаан элбэх маршруттаахтар. Биһиги кэлээппит төрдүс күнүгэр билсиһии биэчэригэр Марианна Николаева тойугунан, Ньургуйаана Саввинова, СР культуратын үтүөлээх үлэһитэ Августина Евсеева хомуһунан, мин оһуокай түһүлгэтинэн культурнай тэрээһиммитин билсиһиннэрдибит. Аны бэс ыйын 7 күнүгэр Казахстаҥҥа олорор сахалар ыһыахтарыгар сырыттыбыт. Эмиэ хомуһунан, оһуокайынан, алгыһынан эҕэрдэлээтибит. Алма-Ата куоракка сэбиэскэй саҕана горнай институкка үөрэммит уонна манна үөрэхтэрин кэнниттэн ананан үлэлии хаалбыт сахалар олохсуйан олороллор эбит. Бүлүүттэн төрүттээх Дьулус Осипов компьютернай эйгэҕэ эбии үөрэхтээһин оскуолатын аһан, үлэлэтэ сылдьар эбит.
Санаторийга төннөн эттэххэ, муора таһымыттан 1100 миэтэрэ үрдүккэ, Алатау хайа быыһыгар турар. 800 миэтэрэ үрдүктээх терренкулга сарсыарда аайы хойуу мас быыһынан кирилиэстэри дабайан сынньанааччылар хаамаллар.
Бу санаторийга олохтоохтору сэргэ, Арассыыйаттан элбэх киһи кэлэн сынньанар эбит.
Марта Николаева
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…