Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи «Сахалыы дьыктаан» аахсыйа быйыл 12-с төгүлүн ийэ тылбыт кэскилин туһугар туруулаһааччылары түмүө.
СӨ Национальнай бибилэтиэкэтэ уонна М.К. Аммосов аатынан ХИФУ РФ Хотугулуу-Илиҥҥи олохтоох норуоттарын тылларын уонна култуураларын үнүстүүтэ сахалыы суруйар таһымҥын бэрэбиэркэлэнэргэ тоҕоостоох түгэни бэлэхтиир.
Дьыктаан олунньу 18 күнүгэр күнүс 16.00 чаастан СӨ Национальнай бибилэтиэкэтин Историческай дьиэтигэр 1 уонна 2 этээстэргэ уонна сүрүн дьиэтигэр 2 этээскэ буолуоҕа. «Быйыл өрөспүүбүлүкэбитигэр Култуура сыла биллэриллибитинэн, дьыктааны култуура биллэр-көстөр дьоно ааҕыа, ол курдук СӨ култуура уонна духуобунай сайдыы миниистирэ Афанасий Ноев, Ил Түмэн култуураҕа уонна көрдөрөр-иһитиннэрэр ситимҥэ сис кэмитиэт бэрэссэдээтэлин солбуйааччыта Захар Никитин, Олонхо театрын артыыһа Дмитрий Хоютанов дьыктаан тиэкиһин ааҕыахтара», — диэн тэрийэр бөлөх бэлиэтиир.
«Сахалыы дьыктаан» аахсыйа ыытыллар сыала-соруга: сахалыы уус-уран тылы уонна саха тылын таба суруйуу быраабылаларын олоҕурдууну өйөөһүн, саха тылын суолтатын үрдэтии уонна төрөөбүт норуокка тапталы, норуот төрүт үгэстэригэр, тылыгар харыстабыллаах сыһыаны иитии-такайыы.
Хас биирдии кыттааччыга «Сахалыы дьыктаан» аахсыйаҕа кыттыбытын туһунан туоһу сурук туттарыллыа, оттон уһулуччу үлэлэргэ анал бириистэр, өйдөбүнньүк суруктар ананыахтара.
Киэҥ далааһыннаах аахсыйаҕа сылын ахсын элбэх киһи кыттар. Буоларын курдук, бу аахсыйа өрөспүүбүлүкэбит араас муннугар, улуус, нэһилиэк бибилэтиэкэлэригэр тэриллэн ыытыллыа.
Саха тылын чөл хаалларарга уонна сайыннарарга туһаайыллыбыт тэрээһиҥҥэ көхтөөх кыттыыны ыларгытыгар ыҥырабыт.
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…