Сахалыы шпаргалка баар буолла

Оскуолаҕа үөрэммэтэх киһи суох. Этэргэ дылы, шпаргалканан туһаммыт да киһи балачча буолуохтаах. “Айар” кинигэ кыһата уустук соругу оҕо чэпчэкитик ылыннын диэн, кинигэтин, күннүгүн быыһыгар эбэтэр сиэбигэр даҕаны укта сылдьан нойосуус үөрэттин диэн бэртээхэй көмөнү үс муннуктуу тутан бэлэх оҥордо.

А4 кумааҕы аҥаарынан кээмэйи үс муннуктуу тутан биир өттүгэр саха тылыгар баар быраабылалары, нөҥүө өттүгэр өҥү-дьүһүнү ойуулаан, сахалыы ааттаныытын өйдүүргэ олус үчүгэй көрдөрүүлээх. Үс муннук кэтэҕэр буукубалар тустарынан сүрүн өйдөбүллэри санатар суруктаах.

Быыкаа буолан бүк тутуллар, этэн биэрэн санатарга анаммыт хомулугу оскуола бары саастаах оҕолоругар наадалаах диэн сүбэлиибит.

Ол барыта  илгэлээх ийэ тылы билэр туһугар!