Хаартыска: Елена Потоцкая.
Дьокуускайга Норуот маастарын күнүн чэрчитинэн IX кыһыҥҥы национальнай таҥаһы кэтэн сэлэлээн хаамыы буолан ааста.
Бүгүн киин куоракка олус тыаллаах тымныы күн. Ол эрээри ичигэс кыһыҥҥы таҥастаах дьон бүгүҥҥү күнү «олус сылаас сахалыы тыыннаах күн» диэн бэлиэтээтилэр. Тэрийээччилэр «бастакы сылларга 200-чэкэ киһи кыттыбыт буоллаҕына, билигин бары улуустан тыһыынчанан киһи анаан оҥостон, бэлэмнэнэн кэлэллэр» дииллэр. Саха киһитэ үксэ уус, иистэнньэҥ, худуоһунньук, туосчут, тимир ууһа. Ол да иһин Саха сирин айар куттаах дьоно Норуот маастарын күнүн бэйэтин бырааһынньыгын курдук ылынар.
Тэрийээчилэр бэлиэтээбиттэринэн, сэлэлээн хаамыыга бүгүн 27 улуустан, 6 уопсастыбаннай тэрилтэттэн, 4 бөдөҥ тэрилтэттэн, 2 үөрэх кыһатыттан 1200 киһи кыттыыны ылла.
Сарсын, Норуот маастарын күнүн чэрчитинэн Өксөкүлээх Өлөксөй аатынан Норуоттар доҕордоһууларын дьиэтигэр норуот оҥоһуктарыгар маастар-кылаастар буолуохтара, «Гостинай» саалаҕа «Норуот оҥоһуктарын сайдыытыгар туһуламмыт аһаҕас кэпсэтии буолуоҕа. Былатыан Ойуунускай аатынан Саха Академическай тыйаатырыгар «Кылаан кылыс» саха быһаҕын оҥоруу күрэһэ буолуоҕа, «Кыл саха» этническэй муусука 10 сылыгар анаммыт тэрээһин ыытыллыаҕа.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…