Хаартыска: "Чохоон" телеграм ханаалыттан
Бүгүҥҥүттэн үөрэнээччилэргэ өрөспүүбүлүкэтээҕи “Барҕарыы” билим-быраактыка бастакы кэмпириэнсийэтэ саҕаланна. Оҕолор күн устата 16 хайысханан үлэлэрин кэпсиэхтээхтэр. Уопсайа, 380 кыттааччы кэлбит.
Сахалыы тылынан ыытыллар бу бастакы кэмпириэнсийэ буоларынан, киэҥ сэҥээриини ылла.
“Барҕарыы” пуонда дириэктэрэ Афанасий Постников: “Кэмпириэнсийэҕэ бэлэмнэммиппит ыраатта. Саҥа дьыл инниттэн бары улууска балаһыанньаны ыыппыппыт. Улуустааҕы кыайыылаахтар бүгүн куоракка кытта кэллилэр. Өрөспүүбүлүкэтээҕи лиссиэй-интэринээт баазатыгар, араас хайысханан “Инникигэ хардыы” кэмпириэнсийэ курдук сахалыы тылынан барар.
Улуус төрөппүттэрэ уонна эдэр төрөппүттэр оҕолорун сахалыы иитиэхтэрин баҕарар санаалара көһүннэ. Кэмпириэнсийэҕэ кыттарга 415 сайаапка киирбититтэн, 380 оҕо кэлэн кытта сылдьар. 16 сиэксийэнэ барыта 48 эспиэр оҕолор үлэлэрин сыаналыыр. Манна АйТи, технология, экэниэмикэ, бэйэ оҥорон таһаарыы о.д.а. хайысхаларга оҕолор саха тылын төһө сөпкө туттан саҥаралларын, кэпсииллэрин билэллэрин көрөллөр.
Салгыы “Барҕарыы” кэмпириэнсийэни тупсарыыга, кэҥэтиигэ үлэлэһиэхпит. Оҕолорго төрөөбүт тылынан Арассыыйа таһымнаах куонкурус эмиэ ирдэнэр быһыылаах диэн көрөбүт, манна Үөрэҕирии министиэристибэтин кытта үлэлэһиэхпит. Татарстан, Башкортостан о.д.а. национальнай өрөспүүбүлүкэлэр үөрэнээччилэрэ бэйэлэрин тылларынан Арассыыйа таһымнаах аһаҕас кэмпириэнсийэлэрэ ыытыллара буоллар диэн баҕа санаалаахпыт. Оччотугар биһиги оҕолорбут дойду таһымыгар мэктиэлэнэн, кыттан, салгыы үөрэххэ киирэллэригэр эбии баалы ылаллара күүс-көмө буолуо этэ”, — диэн бэлиэтиир.
Санатан эттэххэ, “Барҕарыы” билим-быраактыка кэмпириэнсийэтэ сахалыы тылынан аан бастакытын барар. Бүгүн өрөспүүбүлүкэтээҕи лиссиэй-интэринээт оскуолатыгар оҕолор үлэлэрин көмүскүүллэр. Наҕараадалааһын сарсын Саха тыйаатырыгар буолар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.