Хаартыска уонна видео -- Елена Потоцкая.
Бүгүн айылҕа иэдээнигэр — сааскы халааҥҥа түбэспит Нам улууһун нэһилиэктэригэр «Сахамедиа» холдинг суруналыыстарын бөлөҕө тэрилтэ үлэһиттэрэ хомуйбут гуманитарнай көмөлөрүн илдьэн биэрдибит, Хатырык, Модут уонна Партизан нэһилиэктэринэн сылдьан, бүгүҥҥү балаһыанньаны кытта билсэн, дьону-сэргэни кытта кэпсэттибит.
Улуус дьаһалтатыгар тиийбиппитигэр, киирэр аантан гуманитарнай көмөнү хомуйар пууҥҥа уочарат эбит. Кэлии-барыы, сүпсүлгэн үгүс. Дьаһалтаҕа киирэн билсибиппит, бары нэһилиэктэртэн суол-иис суох буолан, гуманитарнай көмөнү мотуордаах оҥочонон тиэрдэ олорор буолан, Маймаҕа нэһилиэгэр кэлии-барыы бытаан соҕус эбит. Онон көлөлөөх дьон быһыытынан, тута баһылык Александр Егоровка эрийээт, гуманитарнай көмөбүтүн Маймаҕаҕа тиэрдээри гынарбытын эппиппитигэр, Александр Иванович бэйэтэ утары кэлэн көрсүөх буолла. Онон бириэмэни ыыппакка, Хатырыгынан Маймаҕа туһаайыытын тутустубут. Тиийбиппитигэр, баһылык номнуо кэлэн, күүтэн турар эбит. Тута массыынаттан массыынаҕа гуманитарнай көмөбүтүн куруустаан бардыбыт.
Ыраастыыр, сууйар санитарнай тээбириннэр уонна тэриллэр суруктарын көрөөт: «Оо, бу билигин саамай наадалаахпытын аҕалбыккыт. Тиийэн дьоммор түҥэтиэм», — диэн Александр Иванович үөрэн бэлиэтээтэ.
Александр Иванович бэрт улахан хоромньу тахсыбытын кэпсээтэ:
Эмчиттэр, субуотунньукка кэлбит дьон суол оҥоһулларын күүтэн олороллор эит. Турбалары туруорааттарын кытта, араас хайысханан үлэлиэхтээх бөлөхтөр Маймаҕаҕа айанныахтара. Бу туһунан баһылык маннык кэпсээтэ:
«Сахамедиа» холдинг гуманитарнай көмөтүн куруустанаат, баһылык Афанасий Егоров бэрт ыксалынан Маймаҕатын диэки айанныы турда.
Бу күн киһи ис эниэргийэтэ, бэйэҕэ эрэлэ күүһүрэр. Ый Балыктар бэлиэлэригэр киирэн, сэрэйэн көрөр дьоҕур,…
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…