“Сахамедиа” холдинг үлэһиттэрэ Төрөөбүт тыл уонна сурук-бичик күнүгэр сахалыы дьыктаан суруйар буолбуттара быданнаата. Бу да сырыыга ити үтүө үгэстэрин кэспэтилэр, сарсыардаттан сахалыы таҥнан-симэнэн, уруучука тутуурдаах өрөспүүбүлүкэтээҕи медиа-киин диэки хаамыстылар.
Урутаан эттэххэ, урукку сылларга дьыктааны холдинг бэйэлэрин үлэһиттэрэ ааҕар эбит буоллахтарына, быйыл “Айыы Кыһата” гимназия учууталын Ньургуйаана Касьянованы анаан-минээн ыҥыран аахтардылар. «Учуутал диэх курдук, бэркэ аахта», – диэн үлэһиттэр хайҕаатылар, махталларын биллэрдилэр.
Үлэһиттэр киирэн оннуларын булан олороотторун кытта, учуутал иһийбит уу-чуумпуга В.С. Яковлев-Далан “Олоҥхоһут” кэпсээниттэн быһа тардан аахта, салгыы суруйтарда. Үлэһиттэр аахтарааччы ханна тохтоон ыларын сыыска-буорга түһэрбэккэ олорон иһиттилэр. Дьолго, олус уһуна суох тиэкис түбэһэн, уһаабакка-кэҥээбэккэ үмүрүттүлэр. Салгыы саамай долгутуулаах түгэнэ хаалла – бэрэбиэркэ үлэтэ. Ньургуйаана Владимировна уонна “Өркөн өй” оонньууга кыһыл көмүс мэтээли ылбыт “Саха сирэ” хаһыат үлэһиттэрэ – корректор Ангелина Данилова, суруналыыс Ангелина Васильева көмөлөстүлэр. Кэтэһэ таарыйа дьыктаан суруйааччылар кофе-брейк оннугар, сахалыы сиэринэн быырпах, алаадьы амсайдылар. Ол эрээри, ким даҕаны улаханнык саҥарбат-иҥэрбэт, тоҕото биллэр.
Кэтэстэххэ бириэмэ уһунун. Дьэ, кэмниэ-кэнэҕэс: “Бэрэбиэркэ түмүктэннэ, киириҥ”, – диэттэрин кытта үлэһиттэр кутуллан киирдилэр. Быйылгы сахалыы дьыктааҥҥа бастакы миэстэни “Саха сирэ” хаһыат суруналыыһа Людмила Попова, иккиһи холдинг экэнэмииһэ Лена Егорова, үсүһү эмиэ “Саха сирэ” хаһыат суруналыыһа Сайаана Львова ыллылар, өйдөбүнньүк бэлэхтэри туттулар.
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…