Хаартыска: Улусмедиа
Федерация сэбиэтин эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар кэмитиэтин бэрэссэдээтэлин солбуйааччы Сахамин Афанасьев Арассыыйа судаарыстыбаннай национальнай бэлиитикэтин саҥа Стратегиятын туһунан санаатын үллэһиннэ.
— Дойду баһылыга бигэргэппит саҥа Стратегията алта сүрүн түһүмэхтэн турар уонна 61 пууннаах, Стратегия 2026 сыл тохсунньутуттан олоххо киллэриллиэхтээх. Докумуон, бастатан туран, Арассыыйа национальнай интэриэстэрин хааччыйыыга, судаарыстыба биир сомоҕо буолуутун бөҕөргөтүүгэ уонна дойду норуоттарын этническэй култуураларын харыстабылыгар хайысхаланар.
Бэлиэтээн эттэхпинэ, Стратегияҕа быраап төрүөтүнэн Арассыыйа Төрүт сокуона, кэккэ федеральнай сокуоннар, нуорма-быраап акталара, социальнай-экэнэмиичэскэй сайдыыны стратегическай былааннааһын докумуоннара, ону таһынан судаарыстыбаннай национальнай бэлиитикэ эйэтигэр сыһыаны бэрээдэктиир нуорма аакталара буолаллар.
Арассыыйа Федерациятын бырабыыталыстыбата Стратегияны олоххо киллэрии былааннарын бигэргэтиэҕэ, онтон эрэгийиэннэр былаастара биир сомоҕо уонна ис туруктаах буолууну бөҕөргөтүүгэ былаан балаһыанньаларынан сирдэтиэхтэрэ.
Туруоруллубут соруктары ситиһэргэ торумнаналлар: былаас уорганнарын уонна институттары биир сүрүннээһин, иһитиннэрии эйгэтин харыстааһын, сокуон барылларын оҥоруу, ыччат ортотугар нуучча литературатын тылын тарҕатыы, Арассыыйа норуоттар икки ардыларыгар имиджин тупсарыы, ыччаты патриоттуу тыыҥҥа иитии, култуура араас өрүттэрин уонна устуоруйа кырдьыгын харыстааһын, төрүт норуоттары өйөөһүн, экстремизмы, неонацизмы уонна русофобияны утары дьайыылар, омук сирдэригэр Арассыыйа култууратын кииннэрин сайыннарыы уонна атын көҕүлээһиннэри олоххо киллэрии.
Стратегияны олоххо киллэрии түмүктэринэн, 2036 сылга гражданскай идентичность таһыма 95 % буолара күүтүллэр, омуктар икки ардыларыгар иирсээн тахсар куттала аҕыйыаҕа, дойду ис туруга уонна норуоттар икки ардыларыгар аптарытыата бөҕөргүөҕэ.
Галина ИВАНОВА
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…
Саха сиригэр мэдиссиинэ көмөтүнэн байыаннай дьайыы 4 152 кыттыылааҕа туһанна. Бу туһунан СӨ доруобуйа харыстабылын…
СӨ Ил Дархана Айсен Николаев "ВОИН" киин тэриллибитэ үс сылынан эҕэрдэлээтэ. "ВОИН" киин ытыктабыллаах үлэһиттэрэ!…
Ааспыт өрөбүллэргэ СӨ Суолга куттал суох буолуутун судаарыстыбаннай иниспиэксийэ үлэһиттэрэ 532 суол быраабылатын кэһиини бэлиэтээтилэр.…