Хаартыска: Федерация Сэбиэтин пресс-сулууспата
Москваҕа «Уһук Илин уонна Арктика: туруктаах сайдыы» норуоттар икки ардыларынааҕы Х үбүлүөйдээх научнай-практическай кэмпириэнсийэ буолан ааста.
Ситэриилээх былаас, биисинэс уонна билим уопсастыбатын бэрэстэбиитэллэрэ кэмипириэнсийэ былаһааккатыгар 2035 сылга диэри Хотугу муора суолун инники кэскилин, хоту таһаҕаһы тиэйии боппуруостарын, эрэгийиэн кыһалҕатыгар технология уонна инженернэй быһаарыылары уонна да атын боппуруостары дьүүллэстилэр.
Пленарнай сиэссийэҕэ Федерация Сэбиэтиттэн эҕэрдэ тылы сенатор Сахамин Афанасьев эттэ. Кэмпириэнсийэ кыттыылаахтарыгар туһаайан Арктика бэлиитикэтин тупсарыыга Федерация Сэбиэтин оруолун бэлиэтээтэ уонна Уһук Илин, Арктика уонна Антарктика сайдыыларыгар туһуламмыт боппуруостар Сэбиэт мунньахтарыгар көрүллэрин эттэ.
«Федерация Сэбиэтин Сүбэтэ РФ Арктика зонатын сайыннарыы араас ньымаларын, ол иһигэр триэх пууннары, инфраструктураны сайыннарыы, социальнай эйгэни, доруобуйа харыстабылын, дьиэ кэргэн уонна оҕо сынньалаҥын өйөөһүн боппуруостарын хабар», — диэн бэлиэтээтэ сенатор.
Сахамин Миланович эспиэрдэр уонна уопсастыба санааларын холбоһуктаах уорганнарын, ону тэҥэ федеральнай уонна эрэгийиэн уорганнарын түмсүүлэрэ үдүк суолталааҕын бэлиэтээтэ. «Арктика эрэгийиэннэриттэн кэмпириэнсийэҕэ кыттан санааларын этиннэллэрэ олус үчүгэй. Кэмпириэнсийэ былаһааккатыгар кинилэр уопуттарын, этиилэрин кытта үллэстэллэр», — диэтэ сенатор.
Сенатор этиитигэр Арктика зонатын сайдыытын икки хайысхатын таарыйан ааста. Ол иһигэр Актикаҕа килиимэт уларыйыыта бэлиэтэннэ. Эбиитин парламентарий Уөук Илин, Арктика 2035 сылга диэри сайдыытын стратегиятын уонна былаанын көннөрөргө этиилэри киллэрии наадатын эттэ. Маны сэргэ научнай- практическай кэмипириэнсийэ чэрчитинэн «Здоровьесбережение жителей Дальневосточных и Арктических регионов: проблемы, решения и перспективы» диэн тиэмэҕэ төгүрүк остуол ыытылынна.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…